Домашни настани

Најава: Ендуро Лазарополе 2012

IMG 4715Под покровителство на Мотоциклистичка федерација на Македонија, a во техничка организација на МК Александар од Скопје,

Следете нè на:

 

Под покровителство на Мотоциклистичка федерација на Македонија, a во техничка организација на МК Александар од Скопје на 18 и 19 август на патеката крај Лазарополе ќе се одржат четвртиот и петтиот натпревар од Шампионатот на Македонија во ендуро за сезоната 2012.

IMG 4715

Годинешниот шампионат во оваа возбудлива мото дисциплина е распишан во 4 класи: Е1, Е2, Е3 и Т1, а на претходните натпревари во Велес и Скопје учествуваа вкупно 32 натпреварувачи.

IMG 4657

Патеката е со должина од 15 километри, а натпреварувачите ќе треба да ја поминат на три пати во секој од двата натпреварувачки денови. Во рамките на секој круг ќе има и еден брзински испит кој содржи елементи од мотокрос, ендуро, како и екстремни елементи. „Брзинецот“ ќе биде најпривлечен за публиката со оглед на конфигурацијата на теренот, одличната прегледност и близината до стартот, како и прекрасната околина на Лазарополе. Покрај тоа на патеката ќе има и 2 временски контроли и една контролна точка. Збирот на времиња од „брзинецот“ и казнените поени од временските контроли од трите кругови ќе ги одредат најдобрите по класи.

IMG 4578

Во класата Е1 засега најголеми конкуренти за титулата се Драган Ванов (МК Мото Велес) со 72 и Филип Кондратенко (МК Гого) со 69 бодови.

Во класата Е3 со максимален учинок засега е дебитантот Горан Тасиќ (МК Мото Велес) со 75 бодови, пред Борче Костов (МК Мотостарс) со 59 и Амир Амети (МК Шари мотокрос) со 58 бодови.Во најбројната класа Е2 водечки е двократниот шампион Ивица Милошевиќ (МК Мотори) со 67 бодови. 

IMG 4682

Патот до третата титула по ред и златната кацига единствено може да му го загрозат Бојан Лазов (МК Мото Велес) со 54, Ведран Манев (МК Ендуранс тим) со 51 и Валентин Тошев (МК БрзКруг) со 50 бодови.

Виктор Ефремов (МК Мото Велес) не дозволи никакво изненадување во класата Т1 и со три победа и 75 освоени бодови е на сигурен пат кон златната кацига. Зад него се Баже Шишковски (МК Александар) со 59 и Николчо Николов (МК Ендуранс тим) со 58 бодови.

Во екипна конкуренција засега во водство е МК Мото Велес пред МК Александар и МК Ендуранс тим.Според програмата стартот на првиот натпреварувачки ден е во сабота 18 август од 16:00 часот, а на вториот во недела 19 август од 10:00 часот. Збирот на бодови од двата дена ќе ги одреди најдобрите по класи и во клупска конкуренција. 

Би можело да ве интересира

„Се чини дека 790 Adventure R ќе биде навистина моќно оф роуд оружје“

„Honda CB500F доби неколку промени кои го прават овој мотоцикл многу поатрактивен“

За време на оддржувањето на мото шоуто EICMA 2018 во Милано, MV Agusta претстави концепт на нов  Superveloce 800 модел. Италијанскиот производител вели дека оваа верзија ќе се најде во производство во втората половина на 2019 година.

За време на прес конференцијата која се оддржа на EICMA, Yamaha претстави две изданија на тркачки фокусирани мотоцикли. Тие се креирани со цел да се најдат на врвот во Супербајк и Суперспорт 300 категориите.

Седиме покрај патеката и гледаме како BMW GS го прави она што најдобро го знае. Но, има една огромна разлика: Мотоциклот се движи сам.

BMW вели дека имале три цели кога го дизајнирале новиот S1000RR: да биде една секунда побрз кога е на тркачка патека, да биде 10 килограми полесен и полесно да се контролира. Од првиот поглед на спецификациите, ни стана јасно дека успеале во тоа.

Бидете информирани за сите новости директно на вашата е-маил адреса
Реклами

Ви благодариме

За тоа што споделувате содржини и го поддржувате нашиот веб сајт.