Домашни

Бузалковски ќе биде облечен во „Fruit of the Loom“

Христијан Бузалковски потпиша договор со „Попе компани“, македонскиот застапник за американскиот бренд „Fruit of the Loom“.

Следете нè на:

 

Компанијата која долги години нуди комплетно графичко решение, а воедно е и застапник на американскиот бренд „Fruit of the Loom“ ќе биде спонзор на нашиот нај успешен возач за 2015 година во класата до 125цц.

Возачот на мото клубот „Мотори“, Христијан Бузалковски, викендов во просториите на „Попе компани“ го официјализираше договорот со кој во сезоната 2016 неговата облека ќе биде брендирана од страна на компанијата. Беше одлично да се види дека и во Македонија има луѓе кои се секогаш расположени за соработка и унапредување на спортовите. 

buzo pope 4Бузалковски и Попевски на потпишувањето на договорот

Сопственикот на компанијата, Никола Попевски, кој и самиот се занимава со авто спортот срдечно не пречека на презентацијата на делот од облеката која беше изработена за тимот на Бузалковски. Она што не воодушеви беше професионалниот однос и искрената желба за помош на нашиот талент. Соработката не се однесува само на опремата за Бузалковски и неговиот тим, наскоро и неговите фанови ќе можат да набават брендирана маичка од продавницата на Попе компани во центарот на Скопје.

Бузалковски годинава ги започнува со амбиции да атакува на првата позиција, пред него се 8 трки кои започнуваат на 22-ри Април со трките во Грција (Серес). Повеќе за неговите планови за сезоната можете да прочитате во интервјуто кое го направивме пред Нова година.

За крај, го поздравуваме потегот на Попе компани и се надеваме дека се повеќе компании во Македонија ќе инвестираат во мото спортот и во талентираните возачи кои не претставуваат. 

Би можело да ве интересира

„Можеме да се бориме за победа, но Хорхе и Марк исто така се добри на оваа патека. Затоа сметам дека воопшто нема да биде лесно“ - Андреа Довициозо.

Пред вас е Suzuki GSX-R1000 – Ryuyo, супербајк кој има 209 коњски сили и тежина од 167 килограми. За жал, од овој модел ќе бидат произведени само 20 примероци кои ќе имаат цена од 29.990 евра.

Марк Маркез призна дека добро се справува со периодот во кој нема постигнато ниту една победа во премиерната класа.

Можеби тоа е само земја на слободи во однос на полуавтоматските оружја. Но се чини дека во иднина жителите на Америка нема да имаат избор во однос на тоа каков мотоцикл ќе можат да купат.

Валентино Роси вели дека се разгледува идејата за радикална промена кај Yamaha со цел да се решат проблемите со кои се соочува тимот.

Moto Guzzi ја претстави новата спортска верзија на нивниот Moto Guzzi V9 Bobber кој сега ќе има поголеми тркала, единечно седиште и црн издув.

Бидете информирани за сите новости директно на вашата е-маил адреса
Реклами

Ви благодариме

Close

За тоа што споделувате содржини и го поддржувате нашиот веб сајт, Ви благодариме!