Домашни

Најава: Отворен тренинг во Серез

Со цел да се подигне мото културата, да се насочи енергијата на младите возачи на вистинското место, а можеби и да се пронајде некој нов Роси од нашите простори во план е организација на слободен тренинг на патеката Серез во Грција.

Следете нè на:

 

Со цел да се подигне мото културата, да се насочи енергијата на младите возачи на вистинското место, а можеби и да се пронајде некој нов Роси од нашите простори во план е организација на слободен тренинг на патеката Серез во Грција.

IMGP0211Игор Спиров - Зизи на патеката во Серез

Патеката во Серез е професионална патека на која се одржуваат трки од Европскиот БМУ шампионат во кој се натпреваруваат нашите возачи Игор Спиров, Слободан Ивчески, Сашо Николов и Христијан Бузалковски. Се работи за патека со должина од 3186 метри составена од 16 свиоци од кои 9 се десни, а 7 леви.

На патеката може да се постави тенда или комбе, има приклучок за струја како и ВЦ, а со доплата може да се закупи и бокс кој има излез на самата патека. Цената за еден слободен тренинг изнесува 55 евра за време на викендите и 45 евра од понеделник до четврток. Закупот на бокс изнесува 50 евра од понеделник до четврток, преку викенд цената на боксовите е 200 евра.

Кога?

Идејата е да се организира тренинг идниот викенд (26-ти или 27-ми август), датумот сеуште не е дефиниран, ќе зависи од интересот и бројот на пријавените.

Кој може да дојде?

Може да дојде секој оној кој има желба да се повози на тркачка патека. За да возите на патеката се што е потребно е мотоцикл и целосна заштитна опрема. На патеката можат да излезат возачи кои имаат кацига, кожно одело (дозволено е и дводелно), чизми и ракавици.

Што добивам ако дојдам?

Искуство кое се памети цел живот, возењето на тркачката патека е различно од возењето по улица. Тука сте само вие и асвалтот, нема пешаци кои претрчуваат, таксисти кои сечат две ленти. Вистинско уживање во возењето. Одлична можност да го надградите знаењето и да се стекнете со самодоверба.

На патеката ќе биде присутен нашиот тркач Игор Спиров - Зизи, ќе имате прилика да добиете совети за тоа како да го подобрите возењето, како да го поставите телото, кои линии да ги следите, каде да давате гас, а каде да кочите. Професионалец кој ќе го сподели своето знаење со сите заинтересирани.

Колку ќе ме чини ова искуство?

Трошоците се индивидуални, а вклучуваат транспорт на мотоциклот со кој ќе возите, котизација за патеката и трошоци на самата патека. Мотоциклот можете да го однесете до патеката и со возење но не е препорачливо заради заморот и евентуални несакани оштетувања на моторот. Доколку го носите со приколка или комбе, од Скопје до Серез преку Дојран има 260км, додека пак преку Гевгелија па Солун има 310км но патот е подобар. Котизацијата на патеката се плаќа на самото место и изнесува 55 евра (за време на викенд). Понесете си пари и за јадење и пиење, на самата патека има ресторани со разумни цени, а има и маркети во близина.

Како да се пријавам?

Пишете ни име и презиме во коментар или пратете ни ги вашите информации на Оваа е-адреса е заштитена од спамботови. Треба да ви е овозможено JavaScript за да ја видите.

Доколку имате било какво прашање ви стоиме на располагање.

Би можело да ве интересира

Нашиот возач Христијан Бузалковски беше повикан од страна на српски тим и понудата секако беше прифатена. Воедно,трката се вози 4 часа, а овој пат ќе имаме директен пренос на каналот Спорт Клуб 3! Во продолжение ја пренесуваме и изјавата на Бузо за мотори.ком.мк

Мото клубот Конзули од Битола својот 8-ми мото собир ќе го организира на 11-ти август со почеток од 17 часот во ноќниот клуб Парадизо во Битола.

Автономното сопирање не е некоја новост во транспортната индустрија. Веќе неколку години автомобилите се опремени со вакви системи. Но во однос на безбедносната технологија, мотоциклите малку заостануваат.

Piaggio објави нова верзија на MP3 со значителни подобрувања на моделот 500 како и целосно нов модел 350.

Само што слушнавме една информација од Harley-Davidson која веруваме дека ќе сакате да ја знаете. Веќе подолг период има гласини дека компанијата со седиште во Милвоки планира да објави нешто поврзано со нејзината иднина.

На новиот модел алгоритмите на KTM, со помош на компјутер ги корегираат грешките на возачот. Само притиснете на сопирачките и мотоциклот ќе застане. Но што доколку возачот го фати паника и премногу силно притисне на предната сопирачка кога е веќе внатре во свиокот? Мотоциклот ќе се исправи и ќе застане.

Бидете информирани за сите новости директно на вашата е-маил адреса
Реклами

Ви благодариме

Close

За тоа што споделувате содржини и го поддржувате нашиот веб сајт, Ви благодариме!