Корисни текстови

YEC-8: Паметен полнач за акумулатори од Јамаха

Она што го прави YEC-8 подобар од останатите е тоа што полначот постојано го ангажира акумулаторот, го полни, го остава да се подиспразни па повторно го полни.

Следете нè на:

 

1YEC-8 за мотоцикли и YEC-40 за поголеми акумулатори 

Yamaha го претстави својот паметен полнач за акумулатори на мотоцикли кон крајот на 2009-та година, за во изминатите години полначот да стане препознатлив низ целиот свет како идеално решение за зачувување на акумулаторот.

Она што го прави YEC-8 подобар од останатите е тоа што полначот постојано го ангажира акумулаторот, го полни, го остава да се подиспразни па повторно го полни. Ова е постигнато благодарение на комплексните алгоритми кои се дел од полначот, а се изработени во партнерство со „CTEK“. Целта на симулираната работа е да не се остави акумулаторот под постојан напон што кај некои акумулатори може да доведе до расипување.

2Деловите кои ги содржи YEC-8

YEC-8 доаѓа во пакет со клеми кои се монтираат на самиот акумулатор, но и кабли кои можете да ги ставите на постоечките штрафови доколку полните друго возило.

4„Comfort Connector“ се поставува еднаш на самиот акумулатор

Клемите или „Comfort Connector“ како што се нарекуваат ќе ви овозможат на едноставен начин да го полните акумулаторот. Еден дел од конекторот осанува постојано врзан на акумулаторот на моторот, а другиот го вклучувате по потреба, без притоа да го расклопувате моторот секојпат кога ќе треба да го полните.

5Конекторот се остава под седиште, на дофат на рака, за да не го расклопувате моторот постојано

Идеален е за зимно време кога повеќето од нас ги чуваат моторите во гаража, па наместо да ги палиме моторите секојдневно за да го зачуваме акумулаторот, или да го носиме со себе, доволно е само да го вклучиме YEC-8 во струја.

7Едноставен начин да го заштитите акумулаторот и да заштедите пари

Полначот има заштита од краток спој, нагла промена на напонот па дури и од погрешно врзување на клемите, а во пакувањето ќе најдете и одлична торбичка во која ќе можете да ги чувате сите кабли и самиот полнач.

3Торбичка за чување на полначот

YEC-8 можете да го купите во салонот на Мото Азуро во Скопје по цена од 4.500 денари, а неговиот поголем брат YEC-40 (кој се користи за полнење и на поголеми акумулатори) чини 6.100 денари.

 

Би можело да ве интересира

„Се чини дека 790 Adventure R ќе биде навистина моќно оф роуд оружје“

„Honda CB500F доби неколку промени кои го прават овој мотоцикл многу поатрактивен“

За време на оддржувањето на мото шоуто EICMA 2018 во Милано, MV Agusta претстави концепт на нов  Superveloce 800 модел. Италијанскиот производител вели дека оваа верзија ќе се најде во производство во втората половина на 2019 година.

За време на прес конференцијата која се оддржа на EICMA, Yamaha претстави две изданија на тркачки фокусирани мотоцикли. Тие се креирани со цел да се најдат на врвот во Супербајк и Суперспорт 300 категориите.

Седиме покрај патеката и гледаме како BMW GS го прави она што најдобро го знае. Но, има една огромна разлика: Мотоциклот се движи сам.

BMW вели дека имале три цели кога го дизајнирале новиот S1000RR: да биде една секунда побрз кога е на тркачка патека, да биде 10 килограми полесен и полесно да се контролира. Од првиот поглед на спецификациите, ни стана јасно дека успеале во тоа.

Бидете информирани за сите новости директно на вашата е-маил адреса
Реклами

Ви благодариме

За тоа што споделувате содржини и го поддржувате нашиот веб сајт.