MK мотоциклисти на меѓународни трки

Бузалковски: По паузата ќе ми биде потребно време да се навикнам на моторот

Нашиот мотоциклист Христијан Бузалковски викендов ќе настапи на 10-та трка од БМУ Европскиот шампионат во брзински мотоциклизам.

Следете нè на:

 

Нашиот мотоциклист Христијан Бузалковски викендов ќе настапи на 10-та трка од БМУ Европскиот шампионат во брзински мотоциклизам. Заедно со својот тим „Ендуро Тим Водно Скопје“ тој ќе биде македонски претставник на патеката Долна Митрополија во Плевен, Бугарија во класата до 125цц. Популарниот Бузо се стреми кон забележување на повисоко место на подиумот и подобрување на пласманот во генералниот пласман.

На четири трки до крајот на шампионатот тој се наоѓа на третата позиција со заостанување од 31 поен зад второпласираниот Милен Георгиев (Бугарија) и 32 поени зад водечката Жулиета Ленкова (Бугарија).

Иако на оние кои го следат низ шампионатот познат им е неговиот начин на возење, народски кажано „оставање срце на асфалт за повисока позиција“, но сепак Бузо вели дека ќе му бидат потребни неколку сесии за да се врати во ритам со моторот и со патеката:

Да, конечно, после два ипол месеци продолжуваме со шампионатот, и секако дека сум пресреќен поради тоа, и ги бројам деновите до почетокот на викендот. За време на оваа пауза, јас и мојот тим се спремавме да бидеме во што е можно подобра физичка и психичка кондиција. Работиме напорно и сакаме да го оствариме нашиот најдобар резултат, и се надевам дека истиот ќе дојде со тек на време. Морам да признаам дека викендов ќе ми бидат потребни две или три сесии за да го вратам првобитниот филинг со моторот, бидејќи не сме се споиле два ипол месеци, но се надевам дека брзо ќе се приспособам на моторциклот и на патеката, и заедно со мојот тим ќе успееме да го направиме добитниот сетап за да извозиме уште една квалитетна трка! - Христијан Бузалковски

До крајот на шампионатот по трката во Бугарија остануваат да се извозат уште две трки во Грција на патеката Серез на 28 и 29 октомври.

 

Би можело да ве интересира

Нашиот возач Христијан Бузалковски беше повикан од страна на српски тим и понудата секако беше прифатена. Воедно,трката се вози 4 часа, а овој пат ќе имаме директен пренос на каналот Спорт Клуб 3! Во продолжение ја пренесуваме и изјавата на Бузо за мотори.ком.мк

Мото клубот Конзули од Битола својот 8-ми мото собир ќе го организира на 11-ти август со почеток од 17 часот во ноќниот клуб Парадизо во Битола.

Автономното сопирање не е некоја новост во транспортната индустрија. Веќе неколку години автомобилите се опремени со вакви системи. Но во однос на безбедносната технологија, мотоциклите малку заостануваат.

Piaggio објави нова верзија на MP3 со значителни подобрувања на моделот 500 како и целосно нов модел 350.

Само што слушнавме една информација од Harley-Davidson која веруваме дека ќе сакате да ја знаете. Веќе подолг период има гласини дека компанијата со седиште во Милвоки планира да објави нешто поврзано со нејзината иднина.

На новиот модел алгоритмите на KTM, со помош на компјутер ги корегираат грешките на возачот. Само притиснете на сопирачките и мотоциклот ќе застане. Но што доколку возачот го фати паника и премногу силно притисне на предната сопирачка кога е веќе внатре во свиокот? Мотоциклот ќе се исправи и ќе застане.

Бидете информирани за сите новости директно на вашата е-маил адреса
Реклами

Ви благодариме

Close

За тоа што споделувате содржини и го поддржувате нашиот веб сајт, Ви благодариме!