MK мотоциклисти на меѓународни трки

ИЕШ во супермото: Седмо место за Цобо

Слободан Ивчески - Цобо го заврши годинешниот настап на Источно Европскиот шампионат во супермото на седмата позиција.

Следете нè на:

 

10379633 10152467103145330 9017422972852457851 oИвчески на трка во Плевен, Бугарија

Слободан Ивчески - Цобо го заврши годинешниот настап на Источно Европскиот шампионат во супермото на седмата позиција.

Цобо кој се натпреваруваше во класата „S Open“ во конкуренција на 11 возачи по крајот на шампионатот ја завзема седмата позиција. Ивчески настапи на четири од вкупно шест трки колку што се возеа во шампионатот, при што освои вкупно 56 бода.

10256875 10152467108500330 2701872984792929359 oЦобо на трка од ИЕШ во Бугарија

Ивчески беше единствениот македонец кој се натпреваруваше оваа сезона во супермото шампионатот на Источна Европа. Минатата година тој настапуваше и на трките од Европскиот шампионат кои се одржуваа во Бугарија и притоа го освои четвртото место во генералниот пласман, со само 6 бода заостанување зад третопласираниот Сорин Траистару од Романија.

Проблемите со мотоциклот кои го следеа во текот на сезоната, како и немањето на спонзори кои ќе го поддржат во нови успеси се главните причини за послабиот резултат оваа година. За следната сезона Ивчески најавува битка на два фронта. Тој ќе продолжи со трките во класата Супермото, но планот за 2015 година се настап на Европскиот шампионат во супермото како и трка од Светскиот шампионат. Паралелно со ова тој ќе се врати и на трките во брзински мотоциклизам, каде ќе се натпреварува во класата SBKS1000.

На Ивчески му посакуваме многу среќа за следната сезона, се надеваме дека неговите планови ќе се остварат и дека ќе имаме нов Европски шампион од Македонија.

 

Би можело да ве интересира

„Можеме да се бориме за победа, но Хорхе и Марк исто така се добри на оваа патека. Затоа сметам дека воопшто нема да биде лесно“ - Андреа Довициозо.

Пред вас е Suzuki GSX-R1000 – Ryuyo, супербајк кој има 209 коњски сили и тежина од 167 килограми. За жал, од овој модел ќе бидат произведени само 20 примероци кои ќе имаат цена од 29.990 евра.

Марк Маркез призна дека добро се справува со периодот во кој нема постигнато ниту една победа во премиерната класа.

Можеби тоа е само земја на слободи во однос на полуавтоматските оружја. Но се чини дека во иднина жителите на Америка нема да имаат избор во однос на тоа каков мотоцикл ќе можат да купат.

Валентино Роси вели дека се разгледува идејата за радикална промена кај Yamaha со цел да се решат проблемите со кои се соочува тимот.

Moto Guzzi ја претстави новата спортска верзија на нивниот Moto Guzzi V9 Bobber кој сега ќе има поголеми тркала, единечно седиште и црн издув.

Бидете информирани за сите новости директно на вашата е-маил адреса
Реклами

Ви благодариме

Close

За тоа што споделувате содржини и го поддржувате нашиот веб сајт, Ви благодариме!