MK мотоциклисти на меѓународни трки

Викендов се вози последната трка од Балканскиот шампионат во брзински мотоциклизам

Викендов на патеката Долна Митрополија во Плевен (Бугарија) се вози последната трка од Балканскиот шампионат во брзински мотоциклизам.

Следете нè на:

 

Викендов на патеката Долна Митрополија во Плевен (Бугарија) се вози последната трка од Балканскиот шампионат во брзински мотоциклизам.

Македонија на оваа трка ќе биде претставена од тројца возачи, во класата SP125 ќе настапи Христијан Бузалковски - Бузо (МК Мотори), а во класата Formula 1000 ќе настапат Слободан Ивчески - Цобо (МК Сакамото) и Сашо Николов - Тумац (МК Мотори).

Трката во Плевен е осма трка во шампионатот во кој до сега се појавија 173 возачи од 6 земји. Од почетокот до сега се возеа две трки во Плевен (Бугарија), три во Серез (Грција) и две во Романија.

Слободан Ивчески - Цобо

Осмата и последна трка од шампинатот ќе ги разреши дилемите во класата Formula 1000 во која Ивчески во моментот се наоѓа на третата позиција со 89 поени. Во оваа класа Атанас Нејчев веќе ја освои титулата но борбата за втората и третата позиција е актуелна. Михаил Атанасов има предност на втората позиција со 101 поен, но зад него е нашиот Ивчески како и Калојан Ангелов (77 поени). Се надеваме дека Цобо ќе извози одлична трка и ќе го заврши шампионатот со пехар.

Христијан Бузалковски - Бузо

Во класата SP125 Бузалковски ќе се потруди да ја заврши сезоната на најдобар можен начин. За него ова беше сезона исполнета со пехови и проблеми, но како што вели и самиот - нема предавање. На претходната трка во Серез Бузалковски го освои третото место, се надеваме дека во најмала рака ќе го повтори успехот и ќе се врати од Плевен со пехар.

Момци среќно!

Би можело да ве интересира

„Можеме да се бориме за победа, но Хорхе и Марк исто така се добри на оваа патека. Затоа сметам дека воопшто нема да биде лесно“ - Андреа Довициозо.

Пред вас е Suzuki GSX-R1000 – Ryuyo, супербајк кој има 209 коњски сили и тежина од 167 килограми. За жал, од овој модел ќе бидат произведени само 20 примероци кои ќе имаат цена од 29.990 евра.

Марк Маркез призна дека добро се справува со периодот во кој нема постигнато ниту една победа во премиерната класа.

Можеби тоа е само земја на слободи во однос на полуавтоматските оружја. Но се чини дека во иднина жителите на Америка нема да имаат избор во однос на тоа каков мотоцикл ќе можат да купат.

Валентино Роси вели дека се разгледува идејата за радикална промена кај Yamaha со цел да се решат проблемите со кои се соочува тимот.

Moto Guzzi ја претстави новата спортска верзија на нивниот Moto Guzzi V9 Bobber кој сега ќе има поголеми тркала, единечно седиште и црн издув.

Бидете информирани за сите новости директно на вашата е-маил адреса
Реклами

Ви благодариме

Close

За тоа што споделувате содржини и го поддржувате нашиот веб сајт, Ви благодариме!