Најновиот v-twin супербајк на Ducati наречен Ducati 1299 Panigalle R Final Edition, мотоцикл кој има моќност од 209кс и ги содржи најдобрите делови од v-twin линијата на Ducati.

Што се однесува до локациите, сигурно не постои подобро место на земјава за да претставите нов мотоцикл отколку плажата Пибл во Калифорнија. Забавата таму секако беше посветена на најновиот v-twin супербајк на Ducati наречен Ducati 1299 Panigalle R Final Edition. Мотоциклот има 209кс и на себе ги содржи најдобрите делови од v-twin линијата на Ducati. Од компанијата велат дека планираат да го произведуваат мотоциклот се додека постои доволна побарувачка за него.

Доколку жителите на Америка сакаат да станат сопственици на овој модел, тогаш ќе мораат да издвојат 40,000 долари, што и не е така многу со оглед на фактот дека изнесува само половина од цената на Ducati 1299 Superleggera, кој е изработен од јаглеродни влакна.

Ако го погледнете мотоциклот одблизу, ќе забележите дека тој изгледа токму онака како и што очекувавте. Неговиот изглед помалку наликува на Ducati 1199 Panigale S Tricolore, пред се во однос на шарата. На ова можете да го додадете и издувот од Акрапович кој е инспириран од Светскиот Супербајк шампионат. Меѓу другите додатоци се и црвените Marchesini бандажи, а бојата на резервоарот за гориво го открива металот кој е под него, слично како и кај претходните Panigale R модели. 

Сеуште немаме информации за цената на овој модел кај нас, па во меѓувреме уживајте во галеријата од новиот Италијански убавец: