И порано MV Agusta ни споделуваше вакви информации, но после денешното соопштение, приказната дека MV Agusta ќе лансира нова четири цилиндрична платформа во 2018 година се чини дека е веродостојна.

Вакво нешто очекувавме уште од овогодинешното издание на EICMA кога извршниот директор на компанијата, Џовани Кастилиони, ни најави во блиска иднина да очекуваме четири цилиндричен Brutale со зафатнина од 1,200cc.

Ова го зборуваме бидејќи „нејкед“ улични мотоцикли се најпродавани модели на MV Agusta и затоа можеме да очекуваме новиот Brutale да добие предност во однос на F4 superbike моделот.

Оваа вест нема да им се допадне на тркачките фанови кои се надеваа дека наскоро ќе видат нова, супербајк платформа, со оглед на тоа дека MV Agusta Reparto Corse Супербајк тимот го достигна лимитот во развојот кај актуелниот F4 пакет. Тоа беше и главната причина поради која Леон Камиер одлучи да премине во тимот на Honda.

Се чини дека во сезоната 2018 во Светскиот Супербајк шампионат MV Agusta ќе настапува со актуелниот F4, а големи се шансите така да биде и во сезоната 2019. А во меѓувреме, во текот на следната година можеме да го очекуваме MV Agusta Brutale 1200. Исто така можеме да очекуваме и дека 1,200cc, четири цилиндричната платформа ќе биде основа за сите идни модели.

Откако се зацврсти сопственичката структура кај MV Agusta, Италијанскиот бренд се чини дека е подготвен за понатамошниот развој.