Главниот модел на Ducati на INTERMOT ќе биде Ducati SuperSport. Компанијата од Болоња веќе ни најави за оваа машина за време на „Неделата на Ducati“ која се оддржа во Мизано.

Главниот модел на Ducati на INTERMOT ќе биде Ducati SuperSport. Компанијата од Болоња веќе ни најави за оваа машина за време на „Неделата на Ducati“ која се оддржа во Мизано.

Секако, сликите беа објавени од WDW2016, а заедно со информациите од очевидци, имаме добра претстава за тоа што можеме да очекуваме на шоуто кое ќе се оддржи во Келн оваа недела.

Поради сето тоа, можеме да потврдиме дека сликите навистина се од 2017 Ducati SuperSport, но сепак за да видиме слики со подобра резолуција како и да ги дознаеме техничките спецификации на мотоциклот, ќе мораме да почекаме до утре.    

Како што може да се види, Ducati SuperSport, користи многу работи од линијата „Borgo Panigale“. Предниот дел на мотоциклот е направен во тој стил, а и моторот е многу сличен на оној што го користи Hypermotard 939.

Целиот концепт на Супер Спорт е да се има вистински, уличен мотоцикл. Сигурни сме дека би можеле да го возите Ducati SuperSport на патека, но овој мотоцикл, пред се, е наменет за возење по улица.

Задниот дел од опашката на мотоциклот може да се отстрани, исто како и кај Diavel. Со ова, возењето на две лица на мотоцикло ќе биде многу попријатно  а веруваме и дека Ducati ќе обезбеди многу додатни делови за оние кои ќе патуваат на подолги релации. Рамката на мотоциклот има челичен „Trelis“ дизајн. Воланот може да се прилагоди за возењето да биде истовремено спортско и опуштено. Од сликите може да се види дека тој има и прилагодливо ветробранско стакло.  

Се претпоставува дека цената на овој мотоцикл изнесува околу 14,000 евра а знаеме дека ќе има два модела: основен и S модел.