MotoGP

Двајца возачи, една титула: Валенсија го очекува финалето

После 17 тркачки викенди и илјадници кругови, на крајот останаа двајца возачи кои ќе се борат за титулата: Актуелниот шамион, Марк Маркез кој во моментов има предност од 21 бод и Андреа Довициозо, единствениот возач кој стои помеѓу Маркез и неговата шеста светска титула.

Следете нè на:

 

Патот на Маркез до финалето започна со не толку добар настап на првата трка во сезоната. Веднаш после тоа следуваше пад во Аргентина. Но Шпанецот повторно се врати на врвот на трката во Остин, а бројот 93 беше на подиумот и на трката која се возеше во Херез. Но тогаш судбината повторно си поигра со него. Следуваше пад во Ле Ман и навистина тешка трка во Муџело. Но тоа како да го налути Маркез и следуваа пет места на подиумот по ред, вклучувајќи ги победите едноподруго во Заксенринг и Брно. Силверстоун беше крајот на низата добри резултати откако поради механички проблеми мораше предвреме да ја заврши трката. Но победите во Мисано и Агарон повторно го вратија на врвот. Одличниот настап на Филип Ајленд му овозможи за време на трката во Сепанг да се обиде да стигне до својата шестта титула. Но Довициозо не се откажа и успеа да го спречи во тоа.

q.big

Италијанецот, за разлика од Маркез, сезоната ја стартуваше со место на подиумот. Во Аргентина несреќно ја заврши трката откако поради грешка на друг возач излета надвор од патеката. Во следните неколку трки имаше солиден настап пред да дојде трката во Муџело каде што ја оствари првата победа оваа сезона. Со ова Италијанецот го зациментира својот статус како можен шампион. До победата стигна и на следната трка која се возеше во Каталуња. Две победи по ред успеа да постигне и на трките кои се возеа во Силверстоун и Ред Бул Ринг. Многу малку возачи успеале да го победат Маркез во последниот свиок од трката, а Довициозо стана еден од нив. Подоцна во  текот на сезоната, тоа се случи уште еднаш. Двајацата возачи имаа спектакуларен дуел во Мотеги, овој пат на дожд.

Низ историјата имало само тројца возачи на кои им успеало да ја надминат разликата во последната трка од шампионатот. Последен таков случај беше во 2015 година, кога шампион успеа да стане тимскиот колега на Довициозо, Хорхе Лоренцо, а Вејн Хенеси беше првиот возач на кој му успеа тој потфат во 1992 година. Ники Хејдн исто така е еден од возачите кои во последната трка од сезоната успеале да станат шампиони. Но Довициозо мора да победи за да има шанси за титулата. Заврши периодот кога Ducati беа на дното, а долгата и напорна работа им овозможи повторно да се искачат при самиот врв. Но шанса за победа на трката во Валенсија имаат и други возачи. Хорхе Лоренцо и Дани Персоса досега имаат постигнато добри резултати на оваа патека исто како и Маверик Вињалес. Но тука завршува кругот на фаворити. За Валентино Роси оваа патека се покажа како потешка но тој не смее никогаш предвреме да се отпише. Јохан Зарко, кој оваа сеозона потврди дека се работи за квалитетен возач, сигурно повторно планира добар настап.

Но за Маркез и Довицизо, ова нема да биде само една обична трка. Стартот на последната трка од овогодинешната сезона е закажан за недела во 14 часот.

Би можело да ве интересира

„Можеме да се бориме за победа, но Хорхе и Марк исто така се добри на оваа патека. Затоа сметам дека воопшто нема да биде лесно“ - Андреа Довициозо.

Пред вас е Suzuki GSX-R1000 – Ryuyo, супербајк кој има 209 коњски сили и тежина од 167 килограми. За жал, од овој модел ќе бидат произведени само 20 примероци кои ќе имаат цена од 29.990 евра.

Марк Маркез призна дека добро се справува со периодот во кој нема постигнато ниту една победа во премиерната класа.

Можеби тоа е само земја на слободи во однос на полуавтоматските оружја. Но се чини дека во иднина жителите на Америка нема да имаат избор во однос на тоа каков мотоцикл ќе можат да купат.

Валентино Роси вели дека се разгледува идејата за радикална промена кај Yamaha со цел да се решат проблемите со кои се соочува тимот.

Moto Guzzi ја претстави новата спортска верзија на нивниот Moto Guzzi V9 Bobber кој сега ќе има поголеми тркала, единечно седиште и црн издув.

Бидете информирани за сите новости директно на вашата е-маил адреса
Реклами

Ви благодариме

Close

За тоа што споделувате содржини и го поддржувате нашиот веб сајт, Ви благодариме!