MotoGP

MotoGP: Сиахрин останува дел од Tech 3

Малезискиот возач Хафиз Сиахрин ќе остане дел од Tech 3 и следната сезона и покрај тоа што францускиот тим ќе се префрли на машините на КТМ.

Следете нè на:

 

Одличниот дебитански настап му овозможи, како што вели самиот,да му биде понудена животна шанса.

„Тешко ми е дури да го кажам тоа и самиот да поверувам. Прво, морам да му се заблагодарам на Ерв што верува во мене и што ми ја овозможи шансата да останам дел од Tech 3, а во исто време да и се приклучам и на фамилијата КТМ. Исто така морам да му се заблагодарам и на мојот менаџер, Дато Разлан, кој овозможи да ми се оствари сонот за настап во MotoGP класата. Исто така им благодарам и на КТМ што веруваат во мене и во Ерв.“

syahrin 2019

„Ќе работам напорно и ќе бидам подготвен во 2019 година, бидејќи тоа за мене нема повеќе да биде дебитанска сезона. Неверојатно сум среќен што ја добивам оваа шанса. Им благодарам на сите, а особено на Ерв и Разлан што секогаш веруваа во мене.“

Со оглед на тоа дека Сиахрин во моментов е најдобар меѓу дебитантите, и шефот на тимот, Ерв Поншарал потврди дека следната сезона тој ќе настапува со мотоциклот на Австрискиот производител.

„Уште од првиот пат кога го видов како вози, сакав Хафиз да настапува за нас уште една сезона бидејќи првата година е важна за учење на се што ви е потребно додека пак веќе во втората треба да се докажете. Секако, тоа што КТМ ни потврди дека сите четири нивни мотоцикли кои ќе бидат на патеката во 2019 година ќе имаат исти спецификации е од големо значење за Хафиз.“

„Тој ќе настапи со истиот мотоцикл со кој ќе возат и Мигел Оливеира, Јохан Зарко и Пол Еспаргаро и тоа е голем предизвик. Многу сум среќен што заедно со Хафиз ќе бидам дел од овој предизвик, а секако тука ќе биде и поддршката на Разлан. Мислам дека го имаме најдобриот возач кој би можеле да го имаме за следната сезона и сигурен сум дека одлично ќе соработува и ќе бидат добар тим со Мигел Оливеира “

Би можело да ве интересира

Крајот на сезоната е одлична можност да се опремите со нова кацига по навистина поволна цена.

Марк Маркез се доближи еден чекор поблиску до освојување на титулата откако имаше импресивен настап пред домашната публика на трката која се возеше во Арагон.

Марк ми ја уништи трката, ми ја повреди ногата. Знае дека погреши! - Хорхе Лоренцо

„Можеме да се бориме за победа, но Хорхе и Марк исто така се добри на оваа патека. Затоа сметам дека воопшто нема да биде лесно“ - Андреа Довициозо.

Пред вас е Suzuki GSX-R1000 – Ryuyo, супербајк кој има 209 коњски сили и тежина од 167 килограми. За жал, од овој модел ќе бидат произведени само 20 примероци кои ќе имаат цена од 29.990 евра.

Марк Маркез призна дека добро се справува со периодот во кој нема постигнато ниту една победа во премиерната класа.

Бидете информирани за сите новости директно на вашата е-маил адреса
Реклами

Ви благодариме

Close

За тоа што споделувате содржини и го поддржувате нашиот веб сајт, Ви благодариме!