Андреа Довициозо имаше спектакуларен настап на трката во Барселона и успеа да ја оствари својата втора победа во низа откако минатата недела победи во Муџело и заврши пред Марк Маркез и Дани Педроса.
Андреа Довициозо имаше спектакуларен настап на трката во Барселона и успеа да ја оствари својата втора победа во низа откако минатата недела победи во Муџело и заврши пред Марк Маркез и Дани Педроса.
Лидер на трката на самиот старт повторно беше Хорхе Лоренцо но за кратко време беше претекнат, најпрво од возачите на Repsol Honda, а потоа и од страна на Довициозо. Италијанецот на крајот успеа да го претекне и Маркез и на крајот заврши со предност од речиси 3.5 секунди.
Во еден момент Лоренцо се најде на осмото место но во последните неколку кругови успеа да се искачи погоре и на крајот заврши на четвртото место пред возачите на Tech 3 Yamaha, Јохан Зарко и Јонас Фолгер. На неколку круга до крајот на трката, возачот кој успеа да се искачи на подиумот во Муџело, Данило Петручи, излета од патеката.
Алваро Баутиста повторно имаше добар настап и на крајот заврши како седми пред Валентино Роси, Хектор Барбера и Маверик Вињалес.
Најдобриот британски возач беше Кал Кратчлоу кој заврши на единаесетото место, Скот Рединг беше тринаесетти, а Сем Ловс на крајот се најде на деветнаесетото место. Бредли Смит не ја стартуваше трката откако за време на слободниот тренинг го повреди прстот.