Денеска беше соопштено дека Дани Педроса ќе го напушти тимот по крајот на оваа сезона.

Дани Педроса ќе го напушти тимот на Репсол Хонда по крајот на оваа сезона во МотоГП шампионатот. Соработката која започна во 2002 година со неговиот потпис за тогашната класа од 125цц и 13 последователни сезони за фабричкиот тим во МотоГП дојде до својот крај.

„Би сакал да му се заблагодарам на тимот за сите овие години успешна соработка“ - започна Педроса. „Пораснав не само како возач туку и како човек за сите овие години кои ги поминав заедно со луѓето од ХРЦ тимот. Нив секогаш ќе ги носам во своите сеќавања и во срцето. Во животот на секој од нас му требаат нови предизвици, а јас мислам дека е време за промена. Ти благодарам ХРЦ“ - изјави тој.

„Денеска е тажен ден за мене“ - изјави претседателот на ХРЦ тимот, г-н. Номура. „Во името на ХРЦ би сакал да му се заблагодарам на Дани за тешката и макотрпна работа и за успехот кој го оствари. Би сакал да ја изразам мојата благодарност за овие две декади кои ги поминавме заедно. Воедно би сакал да му посакам многу среќа и успех. Ти благодарам Дани“.

Според последните шпекулации, Хорхе Лоренцо ќе му се придружи на Маркез во тимот на Хонда, а Педроса ќе премине во новиот сателитски тим на Јамаха кој ќе биде поддржан од Петронас и всушност ќе вози фабрички мотоцикл.