MotoGP

Петручи: Нов издув, менувач, шасија и задна вилушка!

„Менувачот и издувот го прават излегувањето од свиок многу подобро. Токму тоа го баравме јас и Лоренцо“ - Данило Петручи

Следете нè на:

 

Данило Петручи од прва рака виде што може да очекува од мотоциклот на Ducati со кој ќе настапува следната сезона. Во понеделникот, за време на тестот кој се оддржа на патеката во Каталуња, Петручи имаше можност да тестира неколку нови делови. Со оглед на тоа дека актуелните возачи на тимот, Хорхе Лоренцо и Андреа Довициозо го пропуштија тестот, Петручи беше единствениот ГП 18 возач на патеката. Тој ги испроба новиот издув, менувач, шасија и задна вилушка.

danilo petruci mugello 2017

Некои од деловите тимот веќе ги има тестирано. Се чини дека Лоренцо и Довициозо веќе го имаат истиот издув, но другите делови, како што е задната вилушка, беа тестирани за прв пат.

За жал, тестот на Петручи заврши два часа порано откако во свиокот број 9 излета надвор од патеката. Тоа се случи во моментот кога го возеше 41-от круг и кога ја испробуваше новата задна вилушка.

„Мислам дека јас сум првиот возач кој ја испроба задната вилушка и првиот возач кој падна со неа,“ изјави Петручи.

„Излетав надвор од патеката во свиокот број 9. Се обидов да се вратам назад на патеката но тогаш почувствував болка во прстот. Потоа ми се појави и болка во ногата но за среќа немам фрактура. Тоа е навистина важно и покрај тоа што отокот на ногата постојано се зголемува. Снимките ќе го кажат конечниот резултат но се надевам дека се ќе биде по ред.“

„Ова е навистина штета бидејќи ја пробував новата задна вилушка. Сѐ уште треба да ги споредиме податоците со вилушката со која моментално настапуваат, но тестот кој го имавме утрово беше навистина позитивен. Испробав еден сет со нов издув, нов менувач и нова шасија.“

Некои од работите беа стари, работи кои тимот на Ducati веќе ги има користено, но сепак открив некои интересни работи. А бидејќи дури тројца возачи ќе треба да ги добијат новите делови, Петручи не знае ниту дали тој или пак кога ќе почне да ги користи новите делови.

„Тоа не го избирам јас. Тимот работи напорно и во моментов не знам дали ќе ги добијам. Искрено би сакал бидејќи менувачот и издувот се навистина добри. Веќе подолг период тоа го баравме јас и Лоренцо.“

Петручи помина неколку круга со новата вилушка пред да се случи несреќата.

„Жал ми е бидејќи ова беше мој прв тест и имав можност да тестирам нови работи. А меѓу нив беше и најважната од нив, задната вилушка. Веднаш можеме да забележиме дека има разлика. Но, за жал паднав и ми пропаднаа два часа тестирање. За среќа сум добро но исто така задоволен сум и бидејќи бев многу брз.“

И покрај предвремениот крај, времето кое го постигна Петручи по извозен круг беше доволно да се најде само на петтото место, со разлика од 0.572 секунди од возачот на Honda, Марк Маркез. Иако во последните две трки, Лоренцо постојано се наоѓа на врвот, во моментов Петручи е најдобриот возач на Ducati со оглед на тоа дека се наоѓа на петото место во шампионатот.

„Во шампионатот јас сум најдобар возач на Ducati, но на последните две трки Лоренцо беше навистина брз. Проблемот вчера настана бидејќи премногу се загреа предната гума. Асен е поинаква патека, таму има различна температура па затоа ќе видиме како ќе се одвиваат работите.“

„Можеби ќе го имаме овој проблем на некоја друга патека, но прв пат ни се случува ваков проблем со предната гума.“

Би можело да ве интересира

Во Хонда салонот на Макпетрол во Скопје пристигнаа два нови модела: Honda VFR1200X и CBR1000RR

На почетокот од сезоната Македонија беше домаќин на третата меѓународна-регионална ИПА мотоциклистичка средба на која присуствуваат активни полициски службеници и полициски ветерани од шест земји од регионот.

9-та рунда од МотоГП шампионатот викендов не води на патеката Захсенринг во Германија.

Дани Педроса официјално го објави своето повлекување од МотоГП трките, ова ќе биде последна сезона за шпанецот.

Логично е Дукати да „извади“ и соголена верзија од популарниот нов модел, но ќе мора да почекаме до саемите за мотоцикли оваа година за да видиме дали тоа ќе се претвори во реалност.

Ќе има нов Kawasaki Ninja ZX-6R како модел за сезоната 2019, тоа барем можеме да го потврдиме.

Бидете информирани за сите новости директно на вашата е-маил адреса
Реклами

Ви благодариме

Close

За тоа што споделувате содржини и го поддржувате нашиот веб сајт, Ви благодариме!