MotoGP

Продолжува изградбата на MotoGP патеката во Финска

Финците ќе добијат патека на која меѓу другото, ќе се возат и трки од МотоГП шампионатот. Трошоците за изградбата на патеката изнесуваат 16,5 милиони евра. Влада на РМ се слушаме ли?

Следете нè на:

 

Продолжува изградбата на КимиРинг мотоцентарот во Финска откако Министерството за образование и наука одобри грант во висина од 3,5 милиони евра.

paasuora idasta edit 1 of 1 1024x575

Ваквиот грант следува откако Финската влада неодамна соопшти дека организаторите ќе добијат помош само ако успеат да најдат и приватни фондови.

Финското министерство за образование претходно веќе им има доделено еден грант во висина од 3 милиони евра, а делот кој треба да го обезбедат инвеститорите изнесува 10 милиони евра. Министерот за Европски прашања, Култура и Спорт, Сампо Теро вели дека е задоволен бидејќи проектот продолжува да се развива.

„КимиРинг мотоспорт центарот е уникатен проект. Тоа го охрабрува Финскиот мотоспорт и ќе ни овозможи да организираме меѓународни натпреварувања како што е MotoGP трката“ изјави Теро.

Претседателот на бордот на директори на КимиРинг, Кари О.Солберг исто така е задоволен од одлуката на владата.

„Финска е позната како земја која има многу успешни тркачи. Но се досега немавме соодветна патека за да организираме голем меѓународен настан.  Локацијата на која се наоѓа патеката е одлична и за организирање на многу други настани,“ вели Солберг.

Сопственици на патеката се „AKK Sports Oy“ (која е во сопственост на Финската Мото Федерација), Финската Мотоциклистичка Федерација („SML“), компанијата за недвижнини „A. Ahlström Kiinteistöt Oy“ како и општината Ити.

„Ова е голем момент за Финскиот мотоспорт,“ изјави Тапио Невала, претседател на SML.  „Веќе десет години работиме напорно на овој проект и сега тој стана реалност. КимиРинг ни овозможува да организираме трка од MotoGP шампионатот.“

„Многу сум среќен поради оваа информација,“ изјави д-р Волфганг Срб,  претседател на FIM Europe. „Знам колку напорно работеше Финската федерација на негово остварување. КимиРинг ќе биде најдобрата патека во Скандинавија и ќе овозможи оддржување на многу светски и национални натпреварувања.“

Извор: ФИМ

Би можело да ве интересира

„ Ducati потврди дека нема да биде продолжена соработката со поранешниот MotoGP шампион“

Дождот кој обилно врнеше на трката во Силверстоун, ни овозможи да поразговараме со поранешниот Супербајк и MotoGP победник, Крис Вермулен.

Неофицијална листа на возачи кои ќе бидат дел од електричниот FIM MotoE Светски Шампионат

Поранешниот MotoGP возач Сете Жиберно после десет години ќе се врати од пензија и со Pons Racing ќе биде дел од MotoE серијата

„Директорот на Yamaha во интервју за Crash.net изјави дека и покрај неодамнешните резултати, нема подобрувања во тимот. Најави и промени во екипата“

„Се чини дека 790 Adventure R ќе биде навистина моќно оф роуд оружје“

Бидете информирани за сите новости директно на вашата е-маил адреса
Реклами

Ви благодариме

За тоа што споделувате содржини и го поддржувате нашиот веб сајт.