Опрема

Metzeler Racetec RR пневматици

Metzeler тврди дека Racetec RR се добри на сите услови. Овие гуми веќе се тестирани на Isle of Man, North West 200, Southern 100 и Ulster Grand Prix од возач како што е Гај Мартин.

Следете нè на:

 

Секој мотоциклист се прашува кој е лимитот на неговите пневматици. Тоа може да стане опсесија на возачите и да ги натера често да притискаат до крај за да видат до каде е лимитот. Во пневматиците кои ги купуваме влеваме голема доверба, а што се однесува до мене, јас отсекогаш сум фан на уличната линија на Metzeler.

Сум возел на многу патишта со сет на „Interacts“. Пред нив ги користев Sportec, исто така од Metzeler, и затоа со сигурност можам да ви кажам какво треба да биде чувството кога возите со добри Metzeler пневматици.

metz rr 1

Ги пробав новите Racetec RR за да проверам дали новите пневматици имаат некакво подобрување. Но не грижете се, ги испробав пневматиците и на улица бидејќи не сакам да фрлам гуми доколку се уште можат да се искористат. Доколку возите на патека, гумата најчесто се оштетува по страничните делови па затоа се уште можете да ги користите на улица.

Metzeler тврди дека Racetec RR се добри на сите услови. Овие гуми веќе се тестирани на Isle of Man, North West 200, Southern 100 и Ulster Grand Prix од возач како што е Гај Мартин. RR ги има сите нови работи, нови соединенија и нова шара. Жлебовите се дизајнирани на тој начин што ќе овозможат дополнителна цврстина на суви услови, а доколку возите на влажни услови, водата полесно ќе се отстранува од гумата. Тие исто така нудат и подобра стабилност при вртење. Предниот пневматик е направен од 100 проценти силикат, а задната гума е направена од две соединенија.

Самиот профил на гумата ви овозможува полесно навалување, а за време на сопирањето мотоциклот не ми направи никакви проблеми. Кога мотоциклот беше максимално навален, многу лесно можев да се преместам од една на друга страна.

Внатрешниот дел од гумата е направен од специјално соединение кое е многу повеќе ригидно и полесно го задржува обликот. Стабилноста на пневматиците е одлична и не е толку флексибилна како неговите претходници. Над радијалната структура има челичен појас кој ја прави гумата уште поцврста.

Самите гуми ви даваат одлична повратна информација. Сакам кога сум поврзан со патот и кога ја чувствувам таа конекција со асфалтот. Сама ќе ви каже кога премногу притискате на гаста.

Поминав два дена на патеката и чувството на пневматиците беше одлично и токму онака како што го замислував. Предната гума имаше притисок од 2.0, а задната од 1.8. На крајот тие немаа никакви оштетувања.

Сигурен сум дека би можел со нив да извозам уште неколку дена на патеката, а потоа уште најмалку 1200km на улица. Од Metzeler тврдат дека новите пневматици ќе ви овозможат да поминете дополнителни 20 проценти повеќе во споредба со Interact.

Тие брзо се загреваат, односно после само неколку километри, што дополнително ви ја зголемува самодовербата.

Испробував каква е стабилноста за време на сопирање на средина на свиок и морам да признаам дека е одлична. Секогаш ми се допаѓа чувството што го имате од нов сет на гуми, а плус и мотоциклот делува малку повисок.

Racetec RR нудат подобрување во споредба со Interact.

Гумите на Метзелер се достапни во Македонија преку Скај Мото, за повеќе информации посетете ја нивната фејсбук страна.

comments

Би можело да ве интересира

Индијците претставија концепт на хибриден крузер кој се надеваме дека ќе го видиме во продукциска фаза.

Живееме во време кога речиси сѐ можете да купите преку интернет, освен автомобили и мотоцикли. Но се чини дека ова второто наскоро ќе се промени откако Ducati најави дека подготвува специјален модел кој ќе може да се купи само преку интернет.

Ако сте личност која е позната по тоа што носи сомнителни одлуки и на располагање имате десетици илјади долари, тогаш ова е вашиот среќен ден.

Ренди Мамола ќе биде последното име кое ќе се најде на официјалната листа на MotoGP легенди.

Џастин Барсиа, кој во моментов се наоѓа на третата позиција во 2018 Monster Energy Суперкрос шампионатот потпиша договор со корпорацијата Yamaha Motor и ќе продолжи да вози за Monster Energy/Knich/Yamaha тимот и во останатиот дел од сезоната во Суперкрос шампионатот.

Уште откако почнав да следам МотоГП, постоеше силна врска меѓу Валентино Роси и Dainese. Деветкратниот светски шампион ја обожува нивната опрема, а бидејќи кацигите AGV се во сопственост на Dainese воопшто не не изненадува одлука за продолжување на одлуката, петта година по ред.

Бидете информирани за сите новости директно на вашата е-маил адреса
Реклами

Ви благодариме

Close

За тоа што споделувате содржини и го поддржувате нашиот веб сајт, Ви благодариме!