Kawasaki потврди дека трикратниот Светски Супербајк шампион како и победникот на трката „Suzuka 8 Hours“ во 2012 година, Џонатан Реа ќе биде дел од оваа позната трка на издржливост, а на тимот ќе му се придружи уште еден поранешен победник - Леон Хаслам.

Реа последен пат настапи на трката во 2013 година кога му беше партнер на Британскиот Супербајк шампион Риучи Кијонари. Сепак, тој не успеа до крај да ја извози трката. Тоа му овозможи на Хаслам и неговите тимски колеги Такуми Такахаши и Михаел ван ред Марк да стигнат до победата, нивна прва за MuSASHi RT HARC-PRO Honda.

Оваа година на двајцата возачи ќе им се приклучи Јапонскиот натпреварувач Казума Ватанабе. Реа пак вели дека не може да дочека да настапи заедно со својот поранешен ривал.

„Навистина ми е чест што ќе бидам дел од Team Green. Оваа трка навистина ми се допаѓа и откако стигнав до победата во 2012 година си ветив дека еден ден ќе се вратам повторно тука. Откако му се приклучив на Kawasaki досега неколкупати имаме разговарано за можноста заедно да работиме на овој проект. Сега е вистинскиот момент за такво нешто бидејќи одлично се совпаѓа со програмата на Светскиот Супербајк шампионат.“

„Ова е една од најтешките трки во светот и е вистински тест за човекот и машината.Исто така ќе имам и неколку тестови претходно со цел да дојдам подготвен на трката. Заедно со сите кои се дел од екипата ќе се обидеме да дојдеме до резултат од кој сите ќе бидеме горди.“