mfm_press_2010.jpg

Викендов на патеката Милци во Гевгелија ќе се одржи втората трка од Источно-Европскиот шампионат во мотокрос. На трката која минатата година остави огромен впечаток во јавноста се очекува да присуствуваат повеќе од 100 натпреварувач.

Во Гевгелија се очекуваат најмногу гости од Грција (30) потоа Бугарија, Романија, Турција, Србија, Црна Гора, а од македонските натпреварувачи ќе ги видиме Гоце Томовски, Мирче Ќорнаков, Благојче Спировски, Драган Ванов и Фетије Елези.

За жал иднината на Македонскиот мотокрос Христијан Илиоски повторно нема да настапи на натпреварот. Кико нема подготвен моторцикл, а финансиите повторно се пречка за младиот талент, а МФМ се обидува да му помогне преку барања до агенцијата за млади и спорт за финансирање на Илиоски, барања кои засега сеуште се без одговор.

Сега сите погледи се свртени кон Гоце Томовски кој планира да ги вози сите осум трки од шампионатот, на првата трка го освои десетото место, а по трката во Гевгелија патува за Кишињев, Молдавија, каде следниот викенд се вози третата трка.

Што се однесува до самата трка на Милци, таа ќе биде поделена во пет групи, а ќе се вози според класите: ATV, MX85, MX65, MX2, MX1 и МХ3 (во класите МХ1 и МХ2 доколку има повеќе од 40 натпреварувачи возачите ќе бидат поделени на две групи).