Тестови

SWM 650 SuperDual (2017) – Прво возење и преглед

Можеби не ви изгледа така, но во светот на авантуристичките мотоцикли, SWM 650 SuperDual е еден од најочекуваните модели во последниве неколку години. Главна приина за тоа е намалувањето на едно цилиндричните модели: Го нема повеќе Tenere 660 на Yamaha и останаа само KTM 690 Enduro R и Husqvarna 701.

Следете нè на:

 

Можеби не ви изгледа така, но во светот на авантуристичките мотоцикли, SWM 650 SuperDual е еден од најочекуваните модели во последниве неколку години. Главна приина за тоа е намалувањето на едно цилиндричните модели: Го нема повеќе Tenere 660 на Yamaha и останаа само KTM 690 Enduro R и Husqvarna 701.

2016 SWM Superdual 2

Можеби едно цилиндричните модели не им се допаѓаат на сите, но во поглед на едноставноста, тежината и карактерот на мотоциклот, постојат само неколку конфигурации кои би можеле да се мерат со нив. Овој модел кој е во согласност со Euro 4 е последниот од својата раса и иако претходните мотоцикли се Euro 3, новите машини кои ќе излезат во септември веројатно ќе чинат дополнителни 500 евра.

За оние кои не се запознаени, SWM беше Италијански производител основан во седумдесетите години од минатиот век. Компанијата се распадна во 1984 година и многу малку се слушаше за неа се до пред две години кога со помош на финансиски средства од Кинеската Шинераи групација таа повторно почна да работи. Сите мотоцикли се произведуваат во фабриката во Варезе од истите оние инжинери кои претходно работеа во BMW, KTM и Husqvarna.

Претходно имам возено мотоцикли со зафатнина од 300, 500 и 650 и сите беа изненадувачки добри.Одлична вредност за потрошените пари и добар квалитет. Super Dual е правен за да биде повеќе авантуристички настроена верзија на RS 650 R, односно мотоцикл кој ќе биде подеднакво добар за возење на асфалт и оф роуд и кој ќе биде идеален мотоцикл доколку се одлучите со него да патувате низ светот.

Можеби на прв поглед нема да ја забележите разликата но веднаш штом ќе седнете на него ќе ги забележите промените. За почеток, дотокот на гориво е поинаков а за разлика од другите Ендуро модели, тука гаста е лесна. Доколку се возите по нерамен пат веднаш ќе ја забележите суспензијата (Fast Ace напред и Sachs позади). Таа е многу посуптилна и помека кога возите по нерамнините.

swm road 01786

Моторот кој има зафатнина од 600cc, развива 56кс и има водено ладење. Моќта е чиста и линеарна. Слободно би кажал дека може да се мери со стариот F650 Rotax мотор на BMW, само што има многу поголема моќност. Брзините исто така се поразлични во споредба со Ендуро и направени се повеќе за улично возење. На овој мотоцикл ќе можете да поминете поголемо растојание без притоа да почуствувате замор. Има шест брзини како и капацитет за масло од 1.8 литри. Проверка на маслото треба да се изврши на секои 5000 километри.

Пневматиците кај овој мотоцикл се Mitas EO-9, а како стандарден дел доаѓаат и „Metzeler Tourance“. Иако Mitas не се првиот избор за улично возење, на мотоцикл кој е лесен колку овој се уште ќе можете да притиснете посилно особено што високите и релативно широки шипки ќе ви дадат дополнителна поткрепа.

Во однос на RS 650 R Enduro, очигледно е дека големината на предното тркало прави разлика. Со тркалото кое има 21 инч чуствувате поголема стабилност но сепак е и доволно остро при вртење. Малку е и чудно што SWM се одлучиле мотоциклот да има помали тркала но сепак после одреден период на возење ќе се навикнете на нив и нема да ви претставуваат проблем. За оние од вас кои планираат доста оф роуд возење и каде поголемите тркала ви даваат подобар квалитет, од компанијата велат дека кон крајот на годината планираат да воведат и SuperDual верзија која ќе има поголеми тркала.

swm road 01732

Ги возевме мотоциклите по една долга, шумска патека која на моменти ни понудеше неверојатен поглед. И повторно, SuperDual се покажа како одличен и издржлив, а меката гас навистина помага со тракцијата на задното тркало. Суспензијата одлично се справува со нерамнините, а мотоциклот се чувствува лесен и агилен. После одреден период се качив и на Ендуро моделот и веднаш се забележа разликата. Очигледно е дека неговиот капацитет за оф роуд возење е поголем, но повторно, разликата во карактеристиките ја нагласува разликата помеѓу двата мотоцикли и напорот што SWM го вложил за да ја направи оваа машина да има двојна намена.

После неколку часа возење се вративме во фабриката на SWM. Улиците се празни, добро осветлени и полни со свиоци, а SuperDual покажува што знае. Моторот е одличен, а самиот мотоцикл е доволно висок дури и за колегите новинари со висина од 190цм. Секако дека би сакал да видам како овој мотоцикл ќе се однесува кога ќе се вози на поголема дистанца, дали седиштето е навистина удобно и колку километри ќе можам да поминам со едно полнење на резервоарот кој собира 18 литри. Ова се прашањата кои возачите кои планираат да купат ваков мотоцикл сигурно ќе си ги постават.

Но во моментов, морам да признаам дека сум импресиониран. Секогаш постоеше можност за разочарување, но на крајот излезе сосема спротивното - SWM SuperDual е подобар отколку што очекував. Навистина беше потребна мала компанија да ме потсети колку добри можат да бидат едно цилиндричните мотоцикли. Повеќето компании овие денови ги фаворизираат мотоциклите со два цилиндри. Но тие не се толку лесни ниту наменски како „dual sport“ мотоциклите од осумдесетите и деведесетите години.

Лично мислам дека SWM направија мотоцикл кој е подеднакво добар како за улично возење така и за оф роуд. Обично мотоциклите не се добри за два вида на возење истовремено, но во овој случај, Италијанските инжинери одлично си ја завршија работата.

Повеќе информации за самиот мотоцикл можете да добиете кај увозникот на SWM за Македонија, Максима.

comments

Би можело да ве интересира

Алеш Еспаргаро го заврши првиот ден од тестовите во Австралија на изненадувачкото прво место откако на најдобар начин ги искористи временските услови на Филип Ајленд. На крајот Еспаргаро заврши со предност од 0.005 пред лидерот во шампионатот, Марк Маркез.

Honda Super Cub, кој беше создаден во Јапонија, ја отсликува пасијата на компанијата да им служи на луѓето ширум светот. Како резултат на ваквата политика, Super Cub серијата веќе долго време предизвикува задоволство кај луѓето од целиот свет и успеа да стигне до бројка од 100 милиони произведени примероци.

Сега сме во многу тешка ситуација, особено кога настапуваме на влажни услови. И на суви услови имаме проблеми но барем можеме да бидеме малку поконкурентни.

Бројот на претсезонските тестови во 2019 година ќе биде ограничен и ќе се оддржат само во Сепанг и во Катар пред започнувањето на сезоната.

BMW, Honda и Yamaha ги преземаат следните чекори во примената на паметната технологија.

Патеката во Херез на која ќе се оддржи трката од WSBK шампионатот ќе биде полна со возачи кои се на замена. Големиот број на повреди оваа сезона не ги погодија само регуларните возачи туку и нивните заменици.

Бидете информирани за сите новости директно на вашата е-маил адреса
Реклами

Ви благодариме

Close

За тоа што споделувате содржини и го поддржувате нашиот веб сајт, Ви благодариме!