Вести од светот

BMW Motorrad го објави името на новиот директор

Почнувајќи од мај, д-р Маркус Шрам ќе биде новиот директор на BMW Motorrad

Следете нè на:

 

Маркус Шрам, кој веќе 28 години е дел од BMW, во моментов е одговорен за корпоративно планирање и производствена стратегија. Тој е исто така член на бордот на директори во „Bayerische Motoren Werke AG “ што го прави 55 годишниот Шрам вистински човек за оваа функција. Додадете го на ова и фактот дека тој е голем фан на мотоциклите како и дека веќе долги години е дел од BMW, станува јасно зошто тој е одбран да биде новиот директор.

bmw nov direktor

Откако го доби својот докторат на Универзитетот во Гисен, Шрам својата прва функција во BMW ја доби во 1991 година. Оттогаш па се до денес, тој има извршувано голем број на важни функции. Во февруари, Стефан Шалер ја напушти директорската позиција во BMW и премина во Voith GmbH Co. KgaA.  На негово место привремено дојде директорот за финансии Хуберт Кухнер, кој ќе остане на оваа позиција се до неговото пензионирање во април 2018 година.

Менаџментот во компанијата игра голема улога во однос на правецот во кој ќе се развива фирмата. На пример, пред речиси една година, Ducati назначи нов извршен директор кој дополнително ја разви Scrambler линијата на која сега паѓа речиси една четвртина од продажбата на мотоциклите на Ducati. За разлика од нив, нов директор назначи и Harley-Davidson, но во моментов таму ситуацијата е иста како и порано.

Засега е тешко да се каже во кој правец ќе се развиваат работите во BMW. Дали ќе посветат поголемо внимание на електричните мотоцикли и покрај тоа што моменталниот директор за италијанските медиуми изјави дека тие во моментов не им се во фокусот. Дали ќе бидат воведени целосно нови модели. Дали BMW ќе продолжи да ги развива моделите кои има сега.

Останува да видиме дали нешто од ова ќе се оствари. На д-р Шрам му посакуваме многу среќа на новата позиција и со нетрпение очекуваме да видиме со што ќе не изненади BMW во иднина.

Би можело да ве интересира

„Можеме да се бориме за победа, но Хорхе и Марк исто така се добри на оваа патека. Затоа сметам дека воопшто нема да биде лесно“ - Андреа Довициозо.

Пред вас е Suzuki GSX-R1000 – Ryuyo, супербајк кој има 209 коњски сили и тежина од 167 килограми. За жал, од овој модел ќе бидат произведени само 20 примероци кои ќе имаат цена од 29.990 евра.

Марк Маркез призна дека добро се справува со периодот во кој нема постигнато ниту една победа во премиерната класа.

Можеби тоа е само земја на слободи во однос на полуавтоматските оружја. Но се чини дека во иднина жителите на Америка нема да имаат избор во однос на тоа каков мотоцикл ќе можат да купат.

Валентино Роси вели дека се разгледува идејата за радикална промена кај Yamaha со цел да се решат проблемите со кои се соочува тимот.

Moto Guzzi ја претстави новата спортска верзија на нивниот Moto Guzzi V9 Bobber кој сега ќе има поголеми тркала, единечно седиште и црн издув.

Бидете информирани за сите новости директно на вашата е-маил адреса
Реклами

Ви благодариме

Close

За тоа што споделувате содржини и го поддржувате нашиот веб сајт, Ви благодариме!