И покрај кризата со која се соочува пазарот на мотоцикли во моментов (продажбата на моделите кои имаат зафатнина поголема од 500cc имаат намалување на продажбата од 3.5 %), Ducati успеа да се спротистави на овој тренд и пријави пораст на продажбата за минатата година.

Ова за нив ќе биде осумнаесетта година по ред како остваруваат приход. Компанијата со седиште во Болоња, минатата година продаде 55.871 мотоцикли со што оствари раст од 0,8 проценти. Вкупниот обрт кој компанијата го имаше минатата година изнесува 736 милиони евра, а профитот 51 милион евра.

ducati factory

„Овој резултат ја потврдува стратегијата за развој која ја спроведовме во минатите неколку години,“ изјави Клаудио Доменикали, извршен директор на Ducati Motor Holding. „Во 2017 година ги поставивме основите за идниот развој на компанијата. На пазарот претставивме седум нови модели. Покрај тоа го имаме и моделот Panigale V4 кој е првиот фабрички мотоцикл на Ducati кој има четири цилиндричен мотор. Минатата година исто така дополнително ја развивме и Scrambler линијата. За време на EICMA мото шоуто, Scrambler брендот го презентираше првиот комплетно нов мотоцикл од неговото основање, Scrambler 1100, кој дава една нова димензија на Ducati Scrambler преку нова технологија и врвни перформанси.“

Back To Top