WSBK

Џонатан Реа: Возев со срце

„Откако ја освои втората Светска Супербајк титула на првата трка во Катар, Џонатан Реа изјави дека возел со срце на трката но го користел и мозокот за да помогне на Том Сајкс“

Следете нè на:

 

Откако ја освои втората титула во Светскиот Супербајк шампионат на првата трка во Катар, Џонатан Реа изјави дека возел со срце на трката но го користел и мозокот за да помогне на Том Сајкс  да го освои второто место во шампионатот и да му донесе 1-2 победа на тимот на Kawasaki.

Во интересна втора трка, која имаше и мал прекин, Реа беше блиску да го претекне лидерот на трката Чез Дејвис, но во последниот круг одлучи да го намали темпото и да му дозволи на тимскиот колега Сајкс да го помине за да може да го освои второто место во шампионатот.

rea sampion

Реа, кој постигна најбрз круг на патеката во Лосаил, лесно можеше да го претекне Дејвис но одлучи да му се оддолжи на тимот и му помогна на Сајкс да дојде до второто  место. Со тоа, тимот на Kawasaki ја оствари својата прва 1-2 победа, а исто така стигна и до титулата во делот за производители.

„Возев со срце,“ изјави Реа. „Во трка која има десет круга, воопшто не е лесно кога старувате од деветото место. Ме претекнаа на првите два свиока и премногу долго се задржав зад Леон Хаслам и Том. Чез имаше предност, но успеав да го стигнам.“

„Кога видов дека не можам да победам, одлучив да му помогнам на тимот. Имавме навистина брза трка. Поставивме рекорд на патеката, имавме пол позиција и ја освоивме титулата овој викенд. Трката во Катар беше одлична за мене.“

И покрај тоа што му го препушти второто место на Сајскс, Реа убедливо стигна до титулата и на крајот заврши со предност од 51 поен во однос на најблискиот ривал. Тој стана првиот возач на кој му успеа да ја одбрани титулата по Карл Фогерти во 1999 година.

Би можело да ве интересира

„ Ducati потврди дека нема да биде продолжена соработката со поранешниот MotoGP шампион“

Дождот кој обилно врнеше на трката во Силверстоун, ни овозможи да поразговараме со поранешниот Супербајк и MotoGP победник, Крис Вермулен.

Неофицијална листа на возачи кои ќе бидат дел од електричниот FIM MotoE Светски Шампионат

Поранешниот MotoGP возач Сете Жиберно после десет години ќе се врати од пензија и со Pons Racing ќе биде дел од MotoE серијата

„Директорот на Yamaha во интервју за Crash.net изјави дека и покрај неодамнешните резултати, нема подобрувања во тимот. Најави и промени во екипата“

„Се чини дека 790 Adventure R ќе биде навистина моќно оф роуд оружје“

Бидете информирани за сите новости директно на вашата е-маил адреса
Реклами

Ви благодариме

За тоа што споделувате содржини и го поддржувате нашиот веб сајт.