WSBK

Гинтоли: Ќе се натпреварувам во 2018 година

Силвиан Гинтоли пoтврди дека ќе се натпреварува следната сезона иако го загуби местото  во Светскиот и во Британскиот Супербајк шампионат.

Следете нè на:

 

Французинот беше поврзуван со премин во Puccetti Kawasaki по двата настапи кои ги имаше во текот на минатата сезона. Сепак, од таму потврдија дека шанса следната сезона ќе му дадат на младиот Туrски возач, Топрак Разгатлиоглу.

После тешката година во Британскиот супербајк шампионат, постоеја гласини дека тој ќе остане дел од серијата но сепак на крајот работите се променија. Гинтоли сепак потврди дека ќе се натпреварува следната сезона но не прецизираше во кој тим.

guintoliride
„Ќе се тркам следната година, тоа можам со сигурност да го кажам. Не можам да ви откријам повеќе информации но дефинитивно ќе се натпреварувам.“

Постојат гласини во однос на тоа за кој тим ќе настапува, а неколкумина шпекулираат и дека би можел да премине во „Endurance“ Светскиот шампионат по одличниот настап кој го имаше на Сузука.

Една од должностите со која Гинтоли дефинитивно ќе продолжи е тестирањето на MotoGP мотоциклот на Suzuki. Тој имаше импресивен настап на трите трки на кои настапи како замена за Алекс Ринс. Тоа беше и доволна препорака јапонската компанија да му овозможи дополнителни тестирања, вклучувајќи го и неодамнешниот кој се оддржа во Херез. Тимскиот шеф на Suzuki, Давиде Бривио вели дека сака да ја продолжи соработката.

„Имав одлична соработка со MotoGP тимот на Suzuki. Кога прв пат се качив на мотоциклот, чувството беше одлично и мислам дека му помогнав на тимот со некои од проблемите со кои се соочуваше. Нема подобро чувство за еден возач од тоа кога настапува со MotoGP мотоцикл. Не верував дека ќе имам ваква можност кога прв пат потпишав договор со Suzuki.“

„Самиот мотоцикл ми покажа многу работи кои потоа успеав да им ги пренесам на инжињерите. Тие успеаа да ги направат потребните промени и мислам дека тоа е целата поента на тестовите. Навистина уживав додека возев а од тимот видоа дека тоа што го кажувам има смисла.“

Не е прв пат MotoGP тимовите да им даваат вајлдкарта на тест возачите. КТМ само што потврди дека нивниот тест возач Мика Калио следната сезона ќе настапи на пет Гран При трки.

Би можело да ве интересира

Валентино Роси вели дека се разгледува идејата за радикална промена кај Yamaha со цел да се решат проблемите со кои се соочува тимот.

Moto Guzzi ја претстави новата спортска верзија на нивниот Moto Guzzi V9 Bobber кој сега ќе има поголеми тркала, единечно седиште и црн издув.

Оваа серија ќе се оддржува за време на петте Европски Гран При трки и ќе се потпира на тимовите кои се веќе дел од MotoGP гаражата.

Возачот на Kawasaki, Џонатан Реа ја постигна втората победа во текот на викендот на трката која се возеше во Портимао.

Веќе некое време знаеме за BMW R1250GS 2019 но денеска, благодарение на промотивното видео за прв пат имавме можност да ја видиме оваа машина.

Kawasaki објави детали за два нови модели со зафатнина од 125cc.

Бидете информирани за сите новости директно на вашата е-маил адреса
Реклами

Ви благодариме

Close

За тоа што споделувате содржини и го поддржувате нашиот веб сајт, Ви благодариме!