Џонатан Реа се надева дека ќе ја зголеми предноста на табелата во Светскиот Супербајк шампионат во пресрет на трката која овој викенд ќе се оддржи во Мизано.

По две последователни победи, Реа се надева дека ќе продолжи да вози во ист стил и дека ќе се доближи до освојувањето на четвртата титула во серијата. И покрај тоа што беше поврзуван со неколку MotoGP тимови, за време на трката во Брно тој конечно го продолжи договорот со Kawasaki Racing. Вели дека е подготвен за последната трка пред летната пауза.

На последната трка во Мисано не забележа добар резултат но вели дека сега очекува многу подобар настап.

„Мисано е една од моите омилени патеки. Оваа година пред трката бев на одмор со мојата фамилија и малку уживав на песокот. Тоа беше одлична подготовка за викендот бидејќи се чувствувам одморено и подготвен сум за последната трка пред летната пауза.“

„Заедно со тимот ќе работиме напорно за да бидеме сигурни дека сме компетитивни на трката. Важно е да ја подобриме нашата позиција на табелата. Нашата цел е да продолжиме да работиме на ист начин како и досега и да извлечеме најмногу од нашиот потенцијал.“