WSBK

Супербајк трка во Чешка - Што да очекуваме на патеката во Брно

Седмата трка од 2018 WSBK серијата ги натера тимовите да се преселат во Брно, Република Чешка.

Следете нè на:

 

Брзата патека е една од омилените на MotoGP возачите и фановите, а сигурно ќе има добар прием и кај натпреварувачите од Супербајк серијата со оглед на тоа дека се враќаат на оваа патека за прв пат по 2011 година. Таа сезона, Марко Меландри постигна двојна победа за Yamaha.

Yamaha се надева дека претходните настапи на оваа патека, каде што има три победи, е добар индикатор дека Јапонскиот производител може да очекува успешен викенд. Во Донингтон Парк, Михаел ван дер Марк ги постигна првите победи за Yamaha по нивното враќање во WSBK. Сигурно самодовербата на Холанѓанецот ќе биде висока и на оваа трка.

worldsbk brno

Откако ја постигна првата победа за некој холандски возач во оваа серија, неговите акциии пораснаа и се тоа се случува во вистински момент со оглед на тоа дека голем дел од договорите меѓу возачите и тимовите се потпишуваат во овој период.

После слабиот викенд во Донингтон Парк, кој беше нивни најлош по 2015 година, Ducati ќе биде мотивиран да ја врати формата и да докаже дека резултатот во Велика Британија беше само една моментална слабост, а не она што може да го очекуваме од нив до крајот на сезоната.

Развојот на новиот V4 на Ducati во следните неколку месеци се повеќе ќе биде во фокусот, а Чез Дејвис и Марко Меландри знаат дека од големо значење ќе биде да покажат дека се во добра форма. Чави Форес исто така се пожали на проблеми со мотоциклот на последната трка но сигурно сега се надева дека ќе може да се бори за место на подиумот.

После победата на трката во Донингтон Парк, Холанѓанецот ван дер Марк е полн со самодоверба, но само двајца се уште активни возачи имаат постигнато победа на патеката во Брно: Марко Меландри и Џонатан  Реа.

Двоецот има постигнато победи на оваа патека во неколку класи но овој пат Том Сајкс и Чез Дејвис се надеваат дека ќе се приклучат на таа листа.

А откако Торпак Разгатлиоглу го освои својот прв подиум на минатата трка, Турскиот возач ќе се обиде уште еднаш да импресионира со своето возење.

Со оглед на тоа дека веќе горе - долу се знаат возачите кои следната сезона ќе бидат дел од MotoGP, сега раздвижување можеме да очекуваме и во гаражите на WSBK тимовите. Такво нешто може да има после оваа трка или пак после трката која ќе се вози во Лагуна Сека за две недели.

Би можело да ве интересира

Крајот на сезоната е одлична можност да се опремите со нова кацига по навистина поволна цена.

Марк Маркез се доближи еден чекор поблиску до освојување на титулата откако имаше импресивен настап пред домашната публика на трката која се возеше во Арагон.

Марк ми ја уништи трката, ми ја повреди ногата. Знае дека погреши! - Хорхе Лоренцо

„Можеме да се бориме за победа, но Хорхе и Марк исто така се добри на оваа патека. Затоа сметам дека воопшто нема да биде лесно“ - Андреа Довициозо.

Пред вас е Suzuki GSX-R1000 – Ryuyo, супербајк кој има 209 коњски сили и тежина од 167 килограми. За жал, од овој модел ќе бидат произведени само 20 примероци кои ќе имаат цена од 29.990 евра.

Марк Маркез призна дека добро се справува со периодот во кој нема постигнато ниту една победа во премиерната класа.

Бидете информирани за сите новости директно на вашата е-маил адреса
Реклами

Ви благодариме

Close

За тоа што споделувате содржини и го поддржувате нашиот веб сајт, Ви благодариме!