Сезоната 2017 и официјално е почната, а возачите веќе ги имаат своите први тестови. Повеќето од главните тимови во WSBK серијата своите тестирања ги оддржуваат на патеката во Херез. 

Сезоната 2017 и официјално е почната, а возачите веќе ги имаат своите први тестови. Повеќето од главните тимови во WSBK серијата своите тестирања ги оддржуваат на патеката во Херез. Меѓу присутните на патеката се фабричките тимови на Kawaski, Honda, Yamaha и Ducati, потоа тимовите на  Milwaukee Aprilia, Althea BSB team и Puccetti Kawasaki.

На возачите од WSBK серијата им се приклучи и тимот на JG Speedfit Kawasaki од BSB серијата како и неколку други возачи од World Supersport и Superstock 1000 сериите.

Актуелниот шампион Џонатан Реа се најде на врвот на табелата и продолжи да вози во ист стил како и минатата сезона. Реа беше за четвртина секунда побрз од неговиот тимски колега Том Сајкс и за шест десетинки беше подобар од Чез Дејвис од тимот Aruba.it Ducati.

Марко Меландри исто така имаше добар настап и заврши со заостанување од три стотинки зад тимскиот колега Дејвис. Алекс Ловс беше најбрзиот возач на Yamaha заостанувајќи девет десетинки зад Реа.

Зулфами Каирудин беше најбрзиот од World Superbike возачите и на крајот заврши со предност од половина секунда во однос на Жил Клузел. Марко Факани беше најбрзиот возач од класата Superstock 1000.

Вторникот исто така беше и ден за деби настапи. Тимот Ten Kate Honda на патеката во Херез го претстави новиот Honda CBR1000RR Fireblade.

Новата Yamaha R6 исто така се најде на патеката а со него возеа Федерико Карикасуло и Лукас Махиас.