Втората трка на Филип Ајленд донесе многу возбудувања, а ќе биде запаметена по прераниот крај заради проблемите на Лаверти со своето Сузуки.
Втората трка на Филип Ајленд донесе многу возбудувања, а ќе биде запаметена по прераниот крај заради проблемите на Лаверти со своето Сузуки.
Победа за Силвијан Гинтоли на втората трка во сезоната му го донесе и водечкото место во генералниот пласман по првата рунда. Возачот на Априлија на најдобар начин ја започнува сезоната со вкупно 41 бод на неговото конто.
Уште еден возач кој имаше причина да слави секако е Лорис Баз кој со второто место се искачи на втората позиција во генералниот пласман. Третопласиран на втората трка беше актуелниот шампион и негов клубски колега, Том Сајкс кој имаше и контакт со Баз но за среќа на двајцата се помина во најдобар ред.
Јуџин Лаверти е човекот кој најмногу ќе жали за втората трка. Во моментите кога следевме негов налет и потсетување на она што се случи во првата трка, неговиот мотор не издржа. 16-от круг од вкупно 22 колку што беа предвидени се покажа како пресуден, а белиот чад од неговото Сузуки значеше и црвено знаме со што се означи прераниот крај на трката. Лаверти со ова веќе искористи еден агрегат од вкупно 8-те колку што имаат возачите за користење во целата сезона.
Резултати од втората трка
| Поз | Бр. | Возач | Мотор | Најбрз круг | Разлика |
|---|---|---|---|---|---|
| 1 | 50 | S. GUINTOLI | Aprilia RSV4 Factory | 1'31.421 | |
| 2 | 76 | L. BAZ | Kawasaki ZX-10R | 1'31.660 | 0.283 |
| 3 | 1 | T. SYKES | Kawasaki ZX-10R | 1'31.440 | 1.103 |
| 4 | 34 | D. GIUGLIANO | Ducati 1199 Panigale R | 1'31.550 | 2.052 |
| 5 | 65 | J. REA | Honda CBR1000RR | 1'31.937 | 4.951 |
| 6 | 91 | L. HASLAM | Honda CBR1000RR | 1'31.948 | 5.673 |
| 7 | 7 | C. DAVIES | Ducati 1199 Panigale R | 1'31.863 | 9.664 |
| 8 | 33 | M. MELANDRI | Aprilia RSV4 Factory | 1'31.720 | 10.574 |
| 9 | 24 | T. ELIAS | Aprilia RSV4 Factory | 1'31.972 | 11.682 |
| 10 | 44 | D. SALOM | Kawasaki ZX-10R EVO | 1'32.603 | 15.065 |
| 11 | 59 | N. CANEPA | Ducati 1199 Panigale R EVO | 1'32.513 | 16.294 |
| 12 | 9 | F. FORET | Kawasaki ZX-10R EVO | 1'32.606 | 16.919 |
| 13 | 22 | A. LOWES | Suzuki GSX-R1000 | 1'31.598 | 19.694 |
| 14 | 32 | S. MORAIS | Kawasaki ZX-10R EVO | 1'33.335 | 27.266 |
| 15 | 14 | G. ALLERTON | BMW S1000 RR EVO | 1'33.213 | 27.845 |
| 16 | 11 | J. GUARNONI | Kawasaki ZX-10R EVO | 1'33.648 | 29.431 |
| 17 | 21 | A. ANDREOZZI | Kawasaki ZX-10R EVO | 1'33.148 | 36.393 |
| 18 | 71 | C. CORTI | MV Agusta F4 RR | 1'33.418 | 37.018 |
| 19 | 10 | I. TOTH | BMW S1000 RR | 1'35.269 | 54.093 |
| 20 | 20 | A. YATES | EBR 1190 RX | 1'36.732 | 1'13.385 |
| RET | 58 | E. LAVERTY | Suzuki GSX-R1000 | 1'31.668 | 0.131 |
Следната трка се вози на 13-ти април на патеката Арагон во Шпанија.
Во генералниот пласман водечки е Силвијан Гинтоли со 41 бод, пред Лорис Баз со 31 бод, а Марко Меландри е трет со 28 бода. Следува Џулијано со 26, Лаверти 25, Сајкс 25, Реа 21, Дејвис 17, Салом 13 и на 10-та позиција е Канепа со 11 бода.
