WSBK

WSBK: Реа доминираше на патеката во Лагуна Сека

Извонредниот прв круг му овозможи на Реа да ја оствари својата деветта победа сезонава и ја зголеми предноста во пресрет на летната пауза

Следете нè на:

 

Џонатан Реа ќе замине со предност од 59 поени на летната пауза откако успеа да стигне до победа на трката која викендов се оддржа во Лагуна Сека.

rea sbk 2017

Откако мораше да се задоволи со второто место на трката број еден, веднаш за Чез Дејвис, Реа извозе фантастична втора трка со својот Kawasaki ZX-10R.

Во текот на првиот круг се бореше со тимскиот колега Том Сајкс, но веднаш потоа Реа прејде во водство кое не беше во ниту еден момент загрозено. На крајот заврши со предност од 2.8 секунди пред Сајкс.

Чез Дејвис имаше добра брзина но сепак не можеше да се носи со Реа, а Велшанецот дури во седмиот круг успеа да го претекне Чави и да дојде до третата позиција. Иако се впушти во потера по Сајкс, поранешниот шампион не успеа да го претекне и му овозможи на Kawasaki нова, вкупно петта, 1-2 победа оваа сезона.

Марко Меландри направи грешка на самиот старт на трката и со тоа значително ги намали шансите за победа. На крајот Италијанецот заврши на четвртото место но со заостанување од седумнаесет секунди за Реа.

Иако добро стартуваше, Чави Форес на крајот мораше да се задоволи со петото место и заврши пред Јуџин Лаверти кој по трет пат сезонава завршува меѓу најдобрите шест возачи. Леандро Меркадо и Лоренцо Савадори со RSV4 завршија веднаш зад него.

Во тензична борба, Алекс Ловс успеа да го победи Михаел Ван Дер Марк и на крајот заврши на деветото место, а Штефан Бредл имаше уште еден разочарувачки викенд за Honda со освојување на единаесетото место.

Џејк Гање успеа да освои еден поен откако на крајот се најде на петнаесетото место веднаш зад Роман Рамос, Алекс Де Анџелис и Ренди Круменахер.

Разочарани беа и во Althea BMW откако Жорди Торес излета од патеката во моментот додека се наоѓаше на шестата позиција, а еден круг пред него трката ја заврши и неговиот тимски колега Рафаеле де Роса. Леон Камиер исто така мораше предвреме да ја заврши трката поради механички проблеми.

comments

Би можело да ве интересира

Алеш Еспаргаро го заврши првиот ден од тестовите во Австралија на изненадувачкото прво место откако на најдобар начин ги искористи временските услови на Филип Ајленд. На крајот Еспаргаро заврши со предност од 0.005 пред лидерот во шампионатот, Марк Маркез.

Honda Super Cub, кој беше создаден во Јапонија, ја отсликува пасијата на компанијата да им служи на луѓето ширум светот. Како резултат на ваквата политика, Super Cub серијата веќе долго време предизвикува задоволство кај луѓето од целиот свет и успеа да стигне до бројка од 100 милиони произведени примероци.

Сега сме во многу тешка ситуација, особено кога настапуваме на влажни услови. И на суви услови имаме проблеми но барем можеме да бидеме малку поконкурентни.

Бројот на претсезонските тестови во 2019 година ќе биде ограничен и ќе се оддржат само во Сепанг и во Катар пред започнувањето на сезоната.

BMW, Honda и Yamaha ги преземаат следните чекори во примената на паметната технологија.

Патеката во Херез на која ќе се оддржи трката од WSBK шампионатот ќе биде полна со возачи кои се на замена. Големиот број на повреди оваа сезона не ги погодија само регуларните возачи туку и нивните заменици.

Бидете информирани за сите новости директно на вашата е-маил адреса
Реклами

Ви благодариме

Close

За тоа што споделувате содржини и го поддржувате нашиот веб сајт, Ви благодариме!