Занимливости

Honda работи на нови батерии за скутери

Ова решение би можело да промени многу од проблемите со кои се соочуваат електричните превозни средства.

Следете нè на:

 

Колку километри можете да поминете со нив, колку време им треба да се наполнат како и лошата инфраструктура се само дел од проблемите поради кои електричните мотоцикли не се развиваат доволно брзо. Honda и Panasonic склучија договор за соработка со цел да се решат сите овие проблеми. А нивното конечно решение е мобилна батерија.

pcxev 770x433

Тука не станува збор за батерии за мобилни телефони, туку за мобилни батерии. Двете компании работат на „Mobile Power Pack“ како и на локации каде што тие ќе можат да се полнат. Идејата е батериите да можат да се отстранат од мотоциклите и да можат да се заменат. Местата кои ќе бидат наменети за полнење ќе бидат опремени со неколку станици каде што ќе можете да го сторите тоа.

Корисникот на ваков вид на батерија ќе може да застане на станицата и својата празна батерија да ја замени за полна.

Со овој иновативен процес, повеќе нема да морате да чекате додека да се наполни вашата батерија. Таа повеќе не е интегрирана на вашиот мотоцикл и тоа отвора неколку можности за полнење.

Главниот експеримент ќе биде изведен во Индонезија. Исто како и Индија, и Индонезија се соочува со голема загаденост на воздухот, а големиот број на превозни средства само дополнително ја влоши состојбата. Владата презема мерки за да ги поттикне луѓето се повеќе да користат електрични превозни средства, особено електрични мопеди и мотоцикли.

Всушност, земјата е третиот најголем пазар на мотоцикли во светот што ја прави и идеално место за тестирање на нов концепт. Истражувањето ќе се фокусира на нешто што Honda го нарекува „electric mobility products“, а во кои се вклучени електричните мопеди и скутерите.

Со оглед на неодамнешното претставување на PCX електричниот скутер кој е опремен со „Mobile Power Pack“, можеме да претпоставиме дека целокупниот експеримент ќе биде спроведен со користење на електричниот мопед на Honda.

Доколку се помине во најдобар можен ред, тоа би можело на индустријата со електрични мотоцикли да и даде голем поттик а во иднина самото полнење на батеријата да биде побрзо отколку да го наполните резервоарот со гориво.

Тестирањето се очекува да почне во декември 2018 година.

Би можело да ве интересира

Неофицијална листа на возачи кои ќе бидат дел од електричниот FIM MotoE Светски Шампионат

Поранешниот MotoGP возач Сете Жиберно после десет години ќе се врати од пензија и со Pons Racing ќе биде дел од MotoE серијата

„Директорот на Yamaha во интервју за Crash.net изјави дека и покрај неодамнешните резултати, нема подобрувања во тимот. Најави и промени во екипата“

„Се чини дека 790 Adventure R ќе биде навистина моќно оф роуд оружје“

„Honda CB500F доби неколку промени кои го прават овој мотоцикл многу поатрактивен“

За време на оддржувањето на мото шоуто EICMA 2018 во Милано, MV Agusta претстави концепт на нов  Superveloce 800 модел. Италијанскиот производител вели дека оваа верзија ќе се најде во производство во втората половина на 2019 година.

Бидете информирани за сите новости директно на вашата е-маил адреса
Реклами

Ви благодариме

За тоа што споделувате содржини и го поддржувате нашиот веб сајт.