Занимливости

Конечно се појави кацига со која главата ќе ни биде ладна

Конечно се случи она што толку долго го чекавме. Ќе имаме кацига со клима. И не само што веќе може да е најде во продажба туку таа и воопшто не е скапа.

Следете нè на:

 

Сите сме возеле на топол, летен ден. Постојано имаме дебата околу тоа дали визирот да ни биде отворен за малку да се оладиме но и со можност да добиеме удар во очите или пак тој да биде затворен бидејќи никогаш не знаете кога некоја бубачка ќе реши да се удри во вас. И додека се одлучиме која е подобрата опција, се вртиме на страна и го гледаме возачот до нас како се лади затворен во својот автомобил. Но момци, конечно се случи она што толку долго го чекавме. Ќе имаме кацига со клима. И не само што веќе може да е најде во продажба туку таа и воопшто не е скапа.

Feher2 770x433

Нашиот спасител е тимот од Фехер кој ја креираше ACH-1, кацигата опремена со интегрирана A/C единица. Таа користи технологија слична на онаа што ја користат Bentley и Ferrari за да ги оладат седиштата во автомобилите. Комбинирано со специјалната ткаенина која овозможува дистрибуција на ладниот воздух насекаде подеднакво во кацигата, системот ни овозможува главата да ни остане ладна додека во исто време температурата надвор се зголемува.

За разлика од стандардните A/C единици кои едноставно дуваат ладен воздух во вашето лице, ACH-1 има за цел да ја намали температурата на вашата кацига. Секако, колку е потопло надвор толку е поголема разликата во однос на температурата. Системот може да направи разлика од дури 15 степени внатре во кацигата во однос на надворешната температура. Кога главата е ладна, тогаш и на останатиот дел од телото не му е толку топло. Иако од компанијата не препорачуваат да возите со кацигата за време на дожд, сепак таа може да се користи и ако временските услови надвор не се поволни.

Од компанијата велат дека кацигата воопшто не е толку тешка колку што си замислуваме. Нејзината тежина изнесува 1,450 грама, што е всушност и просечна тежина за една кацига. Таа е направена од специјален композит кој овозможува да се намали нејзината тежина.

ACH-1 има DOT и ECE 22.05 сертификат и може да се нарача онлајн преку нивната интернет страница. Дури доаѓа и со сопствен ранец во кој ќе можете да ја чувате. Регуларната цена изнесува 599 долари, а Feher го слави нејзиното појавување на пазарот со попуст од 50 долари. Можете да ја добиете со различни шари. А доколку сакате можете да го промените и визирот.

Би можело да ве интересира

„Можеме да се бориме за победа, но Хорхе и Марк исто така се добри на оваа патека. Затоа сметам дека воопшто нема да биде лесно“ - Андреа Довициозо.

Пред вас е Suzuki GSX-R1000 – Ryuyo, супербајк кој има 209 коњски сили и тежина од 167 килограми. За жал, од овој модел ќе бидат произведени само 20 примероци кои ќе имаат цена од 29.990 евра.

Марк Маркез призна дека добро се справува со периодот во кој нема постигнато ниту една победа во премиерната класа.

Можеби тоа е само земја на слободи во однос на полуавтоматските оружја. Но се чини дека во иднина жителите на Америка нема да имаат избор во однос на тоа каков мотоцикл ќе можат да купат.

Валентино Роси вели дека се разгледува идејата за радикална промена кај Yamaha со цел да се решат проблемите со кои се соочува тимот.

Moto Guzzi ја претстави новата спортска верзија на нивниот Moto Guzzi V9 Bobber кој сега ќе има поголеми тркала, единечно седиште и црн издув.

Бидете информирани за сите новости директно на вашата е-маил адреса
Реклами

Ви благодариме

Close

За тоа што споделувате содржини и го поддржувате нашиот веб сајт, Ви благодариме!