Занимливости

Привлечноста на постарите мотоцикли

Јас сум активен учесник во неколку форуми за мотоцикли и од она што можам да го забележам е дека многу возачи кои ги немаат најновите додатоци (ABS, контрола на тракција, неколку нивоа на возење) ги сметаат нив за сосема непотребни па дури и опасни.

Следете нè на:

 

Јас сум активен учесник во неколку форуми за мотоцикли и од она што можам да го забележам е дека многу возачи кои ги немаат најновите додатоци (ABS, контрола на тракција, неколку нивоа на возење) ги сметаат нив за сосема непотребни па дури и опасни.

Можеби има малку вистина во тоа но постарите возачи често раскажуваат приказни за тоа дека возењето порано било сосема во ред без сите овие додатоци. Но мислам дека нешто се изостава во дебатата за мотоциклите. А тоа е дека има место и за постарата технологија.

motor vozenje

Зошто луѓето одат да кампуваат? Еден период тоа беше наменето исклучиво за луѓето кои немаа доволно пари. Но со тек на време, работите се променија.

Некој би сметал дека е лудо во денешно време намерно да спиеш на земја. Но сепак има нешто природно во сето тоа, па дури иако е само за викенд.

Истото може да се каже и за летањето со стари авиони. Зошто да се качите во кабината на седумдесет години стар авион кога имате нови модели опремени со најнова технологија?

Бидејќи има нешто во тоа да се вратиш на основата. Тогаш си само ти и машината. Оние на кои им се допаѓаат класичните автомобили сигурно ќе ви го кажат истото.

Истото важи и за лицата кои имаат афинитет кон класичните мотоцикли. Мирисот на издувот, звукот на моторот и фактот дека си само ти и машината без никаква електроника се чини дека се придобивки за оние кои сакаат да бидат во заедница со мотоциклите. Со старите или со класичните мотоцикли секое возење претставува посебно доживување. Секоја поправка ви носи посебно чувство на задоволство. Во суштината на сето ова е уживањето додека сте на пат, уживање во машината и враќање на основата.  Се работи за тоа да живеете наместо само да бидете жив.

Немојте да ме сфатите погрешно, не тврдам дека старите мотоцикли се подобри од новите, модерни мотоцикли. Дури и најевтиниот модерен мотоцикл е подобро секојдневно превозно средство од старите мотоцикли исто како што живеењето во куќа е подобро отколку да живеете во шатор. Но сепак, кој создава подобри спомени?

Да бидеме искрени, старите мотоцикли не се за секого. Бараат редовно оддржување и сервис но има нешто посебно во нив. Или ако што има кажано Ернест Хемингвеј: „Постојат само три спорта: Борба со бикови, тркање со мотоцикли и планинарење. Сите други се само обични игри.“

Мислам дека возењето класични мотоцикли би можело да го квалификуваме како четврти „вистински спорт“.

Извинете ме сега, морам да одам да го поправам карбураторот.

Би можело да ве интересира

Нашиот возач Христијан Бузалковски беше повикан од страна на српски тим и понудата секако беше прифатена. Воедно,трката се вози 4 часа, а овој пат ќе имаме директен пренос на каналот Спорт Клуб 3! Во продолжение ја пренесуваме и изјавата на Бузо за мотори.ком.мк

Мото клубот Конзули од Битола својот 8-ми мото собир ќе го организира на 11-ти август со почеток од 17 часот во ноќниот клуб Парадизо во Битола.

Автономното сопирање не е некоја новост во транспортната индустрија. Веќе неколку години автомобилите се опремени со вакви системи. Но во однос на безбедносната технологија, мотоциклите малку заостануваат.

Piaggio објави нова верзија на MP3 со значителни подобрувања на моделот 500 како и целосно нов модел 350.

Само што слушнавме една информација од Harley-Davidson која веруваме дека ќе сакате да ја знаете. Веќе подолг период има гласини дека компанијата со седиште во Милвоки планира да објави нешто поврзано со нејзината иднина.

На новиот модел алгоритмите на KTM, со помош на компјутер ги корегираат грешките на возачот. Само притиснете на сопирачките и мотоциклот ќе застане. Но што доколку возачот го фати паника и премногу силно притисне на предната сопирачка кога е веќе внатре во свиокот? Мотоциклот ќе се исправи и ќе застане.

Бидете информирани за сите новости директно на вашата е-маил адреса
Реклами

Ви благодариме

Close

За тоа што споделувате содржини и го поддржувате нашиот веб сајт, Ви благодариме!