Занимливости

Производителот на гуми „Sava“ ќе продолжи како „Mitas“

Словенскиот производител на гуми Сава наскоро ќе се ребрендира во Митас, Чешки бренд кој веќе ја купи Словенската фабрика.

Следете нè на:

 

1000x1000-1380101802755-mitas

Словенскиот производител на гуми Сава наскоро ќе се ребрендира во Митас, Чешки бренд кој веќе ја купи Словенската фабрика.

Во октомври 2012 чешката групација „ČGS HOLDING“, сопственик на брендот „Mitas“ ја купи Словенската компанија „Savatech“, кај нас позната по производството на гуми „Sava“.

Името „Sava“ на гумите ќе биде видливо уште кратко време, а потоа целото производство на гумите за скутери и мотори ќе продолжи под брендот „Mitas“.

 mitas

Кои се „Mitas“?

Митас е компанија која е основана во 1933 година во Прага како фирма-ќерка на Мишелин. За Мишелин во тоа време било важно да најде квалитетна, а евтина работна сила, па Чешка се покажала како идеална земја за новата подружница на гигантот која на почетокот се викала „Pneumichelin“. Во фабриката во Прага се изработувале гуми за автомобили, мотоцикли и велосипеди.

Втората Светска Војна го запрело производството на гуми, а по завршувањето на војната Мишелин ја купила и втората компанија за гуми наречена „Veritas“ во градот Храдек над Нису во Чешка. Потоа распишале конкурс за избор на име кое ќе биде соодветно за двете компании, и така од 1947 година се користи името MITAS кое доаѓа од „MIchelin“ и „veriTAS“.

 Митас во Европа важи за голем играч во сегментот на оф-роуд гуми за мотори, а благодарение на успешното работење на компанијата, купувањето на Словенската „Sava“ е одличен начин за развој на гуми за мотоцикли и скутери.

На саемот „EICMA“ во Милано минатата година Митас ја претстави првата гума развиена во сега веќе поранешната „Savatech“, наречена Mitas „Sport Force“. Во Милано освен новата гума за брзински мотори имавме прилика да видиме и неколку други новитети, како што се „MC 38 MAX SCOOT“ гумата за скутери, потоа  „E-10“ за Ендуро како и зимските гуми со шилци, „MC 32 WIN SCOOT“ и „C-22“.

Увозниците на Митас за Македонија можат да се видат на следниот линк: http://www.savatech.eu/sales-network-list/europe.html#MACEDONIA

Митас го продолжи спонзорството кое го имаше Сава и на Рок Багорош, стантерот кој сега вози KTM 690, а кој имавме прилика да го видиме во Скопје како настапува со фантастичниот Крис Фајфер.

Цените ќе ги објавиме за кратко време, новите модели на гуми ќе бидат достапни кон крајот на март, кога ќе имаме можност да направиме тест на Mitas Sport Force и да ви ги пренесеме впечатоците.

 

Би можело да ве интересира

Нашиот возач Христијан Бузалковски беше повикан од страна на српски тим и понудата секако беше прифатена. Воедно,трката се вози 4 часа, а овој пат ќе имаме директен пренос на каналот Спорт Клуб 3! Во продолжение ја пренесуваме и изјавата на Бузо за мотори.ком.мк

Мото клубот Конзули од Битола својот 8-ми мото собир ќе го организира на 11-ти август со почеток од 17 часот во ноќниот клуб Парадизо во Битола.

Автономното сопирање не е некоја новост во транспортната индустрија. Веќе неколку години автомобилите се опремени со вакви системи. Но во однос на безбедносната технологија, мотоциклите малку заостануваат.

Piaggio објави нова верзија на MP3 со значителни подобрувања на моделот 500 како и целосно нов модел 350.

Само што слушнавме една информација од Harley-Davidson која веруваме дека ќе сакате да ја знаете. Веќе подолг период има гласини дека компанијата со седиште во Милвоки планира да објави нешто поврзано со нејзината иднина.

На новиот модел алгоритмите на KTM, со помош на компјутер ги корегираат грешките на возачот. Само притиснете на сопирачките и мотоциклот ќе застане. Но што доколку возачот го фати паника и премногу силно притисне на предната сопирачка кога е веќе внатре во свиокот? Мотоциклот ќе се исправи и ќе застане.

Бидете информирани за сите новости директно на вашата е-маил адреса
Реклами

Ви благодариме

Close

За тоа што споделувате содржини и го поддржувате нашиот веб сајт, Ви благодариме!