Сите сме добиле по некој подарок поврзан со мотоциклите од нашите родини кој ни покажува дека тие незнаат ништо за нив. Секако дека ќе се насмеете и ќе се заблагодарите за подарокот, но потајно во себе веќе правите планови како да се ослободите од него.

Сите сме добиле по некој подарок поврзан со мотоциклите од нашите родини кој ни покажува дека тие незнаат ништо за нив. Секако дека ќе се насмеете и ќе се заблагодарите за подарокот, но потајно во себе веќе правите планови како да се ослободите од него.

Santa

Мотоциклистички влечки

Знаете на кои мислам, оние кои се толку големи што личат на топка за кошарка. Можеби држат топло, но затоа пак имаме парно и само прашање на време е кога нашето куче ќе ги забележи и ќе ги искине.

Голема книга со сите мотоцикли

Ако сакате да им купите книга, обидете се да дознаете какви мотоцикли сакаат. Големи се шансите дека ќе ги заинтересира книгата бидејќи секогаш има нови работи што може да се дознаат за нашиот омилен мотоцикл. Книга која ги содржи сите мотоцикли веднаш ќе се најде на полицата и многу ретко ќе се отвори.

Алат

Ова можеби ви личи на добар поклон, но ако квалитетот на алатот е лош, тогаш само ќе направи поголема штета. Знаете како велат, колку ќе платиш, толку ќе добиеш.

CD со мото видеа

Во ерата на интернетот, овие работи веќе се непотребни. Без разлика колку видеа ќе има на него, веќе сигурно ги имаме видено. Бесплатно. Покрај тоа, гледањето видеа од други возачи како паѓаат воопшто не е интересна работа.

Мотоциклистичка облека

Ова е добра идеја ако знаете што точно да купите. Но ако не сте сигурни што точно да купите, тогаш големи се шансите да одберете нешто погрешно. Ако знаете отприлика што ги интересира, тогаш ваучер за поклон е одлична идеја.

Back To Top