Под покровителство на МФМ, во техничка организација на МК Александар и МК Мотори од Скопје, а со поддршка од Аеро клубот Скопје на 30 јуни и 1 јули на Стенковец крај Скопје се одржаа вториот и третиот натпревар од Шампионатот на Македонија во ендуро за сезоната 2012.
Под покровителство на МФМ, во техничка организација на МК Александар и МК Мотори од Скопје, а со поддршка од Аеро клубот Скопје на 30 јуни и 1 јули на Стенковец крај Скопје се одржаа вториот и третиот натпревар од Шампионатот на Македонија во ендуро за сезоната 2012.
Патеката со должина од 25 километри натпреварувачите ја минуваа по два пати, а во рамките на секој круг имаше два брзински испити кои содржеа елементи од мотокрос, ендуро и екстрим. Најголеми потешкотии на натпреварувачите им зададоа вештачките пречки од гуми и природната конфигурација на теренот, а најуспешните и најбрзите беа поздравени од публиката со громогласни аплаузи.
Во Е1 класата видовме интересна борба за првото место помеѓу двајца млади натпреварувачи. Првиот ден поуспешен беше Филип Кондратенко (МК Гого), додека вториот ден победи Драган Ванов (МК Мото Велес). Со оглед на тоа што двајцата имаа по една победа и едно второ место, пехарот за прво место го заслужи подобриот од вториот ден, Ванов. Третото место го освои Ергул Сулејмани (МК Гост рајдерс). По три трки во генералниот пласман води Ванов со 75 пред Кондратенко со 72 бодови.
Во класата Е2 во првиот ден голем пех имаше дотогаш водечкиот Валентин Тошев (МК Брзкруг) кој мораше да се откаже поради дупната гума. Тоа го искористи двократниот шампион Ивица Милошевиќ (МК Мотори) и победи пред Ведран Манев (МК Ендуранс тим) и Флорин Садику (МК Гост рајдерс). Вториот ден Тошев не дозволи изненадување и беше најбрз, а зад него завршија Милошевиќ и Бојан Лазов (МК Мото Велес). На крајот Милошевиќ беше вкупно прв пред Лазов и Садику. Во генералниот пласман води Милошевиќ со 67 пред Лазов со 54 бодови.
Во класата Е3 повторно видовме одлично возење од Горан Тасиќ (МК Мото Велес) кој со сигурно возење победи двата дена. Амир Амети (МК Шари мотокрос) и Ѓоко Филиповски (МК Мото Велес) имаа вкупно ист број бодови, но Амети беше подобар вториот ден и го освои второто место, додека Филиповски мораше да се задоволи со третото место. Тасиќ убедливо води со максимални 75 бодови пред Борче Костов (МК Мотостарс) со 59 бодови.
Во класата Т1 двократниот шампион Виктор Ефремов (МК Мото Велес) имаше достоен конкурент во Баже Шишковски (МК Александар), но сепак успеа со минимална предност да победи во двата дена. Посебно беше интересен вториот ден кога Ефремов беше побрз после 4 брзински испити за само 2,52 секунди. Третото место го освои Николчо Николов (МК Ендуранс тим). Ефремов има 75, а Шишковски има 59 бодови.
Превземи резултати:
- Резултати од трка 1 (30.06)
- Резултати од трка 2 (01.07)
Извор: „МФМ“