Домашни настани

Извештај - Мотокрос „Порој 2013“

Повеќеилјадната публика имаше можност по убаво и сончево време да ужива во атрактивните возења и прекрасни скокови на најдобрите македонски натпреварувачи.

Следете нè на:

 

poroj-2013-1Одличното време привлече неколкуилјадна публика во Порој

Повеќеилјадната публика имаше можност по убаво и сончево време да ужива во атрактивните возења и прекрасни скокови на најдобрите македонски натпреварувачи.

Под покровителство на Мотоциклистичка федерација на Македонија, a во техничка организација на МК Шари мотокрос на16 јуни на патеката Порој крај Тетово се одржа вториот натпревар од Шампионатот на Македонија во мотокрос за сезоната 2013.

Во најмалата класа МХ85 можевме да ја видиме иднината на македонскиот мотокрос. Христиан Станковиќ (МК Мотостарс) убедливо победи во двете трки, додека втор беше Албан Елези (МК Вардар) кој ги искористи техничките проблеми на Илир Рамадани (МК Шари Мотокрос) кој на крајот беше трет. Големи аплаузи доби и најмладиот учесник, 6-годишниот Албион Усеини. Станковиќ го презема водството во генералниот пласман со вкупно 94 бодови.

mx-85-poroj-2013Иднината на македонскиот мотокрос, најмладите беа вистинска атракција за публиката

Во класата МХ2 во двете возења видовме голема битка помеѓу клупските другари од МК ЛТД спортс, Никола Гулевски и Михаил Бајовски. Гулевски имаше пех да падне на квалификациите и го оштети својот мотоцикл, меѓутоа неговиот тим со несебична помош од домаќините го оспособи мотоциклот за настап. Бајовски имаше одличен старт и долго водеше, но Гулевски го мина на 3 кругови и успеа да победи во првата трка. Во втората трка Бајовски возеше константно и на крајот победи што му беше доволно за конечен триумф. На третото место во двете трки заврши уште еден член на МК ЛТД Спортс, Денко Манчевски. Гулевски води во домашниот шампионат со вкупно 97 бодови.

gulevski-poroj-2013Гулевски иако имаше проблеми со моторот, успеа да победи на првата трка

Во најсилната класа МХ1 очекувано уште една убедлива победа однесе Гоце Томовски (МК Гого) кој собра и најмногу аплаузи од публиката победувајќи и во заедничка конкуренција на класите МХ1 и МХ2 и остварувајќи го најбрзиот круг на целиот натпревар. Второто место го освои гостинот од Албанија, Петрит Ѓерѓи, а Симеон Николовски (МК Мотостарс) беше поуспешен во директниот дуел со Фазли Ислами (МК Шари мотокрос) и го освои последното место на подиумот. Томовски е неприкосновен во оваа конкуренција и досега освои максимални 100 бодови.

goce-poroj-2013Гоце Томовски без конкуренција во класата МХ1

Возбудлива трка видовме и во класата МХ3. Иако убедливо најдобар беше Борче Костов (МК ЛТД спортс) зад него видовме борба за сите позиции. Клупските колеги Џавит Адили и Амир Амети (МК Шари мотокрос) во двете возења беа постојано еден зад друг. Во првото возење поуспешен беше Амети, додека Адили не потклекна на постојаните напади од конкурентот во второто возење и на крајот заврши како втор. Костов го презема водството во генералниот пласман со 88 бодови.

borce-poroj-2013Борче Костов повторно најдобар во класата МХ3

Во екипниот пласман најуспешен беше клубот дебитант МК ЛТД спортс од Битола, пред организаторот МК Шари мотокрос и МК Мотостарс од Битола.

Следниот натпревар од Шампионатот на Македонија во мотокрос е веќе следниот викенд, на 23 јуни на патеката во Смолево крај Битола.

Извор: „МФМ“

 

Би можело да ве интересира

Сега откако пред-сезонските програми веќе се финализирани и се знаат целите за сезоната 2019, разгледавме што му е потребно на секој тим во сезоната која претстои. За време на заедничката прес конференција на сите тимски менаџери, секој од шефовите на екипите откри какви им се приоритетите во текот на зимските тестови.

Зборувајќи за Crash.net, Скот Рединг открива која е единствената работа за која жали што не ја направил за време на неговиот  11 годишен престој во Гран При трките:  Губењето на титулата во Moto2  серијата во 2013 година.

„Некои луѓе ни се смеат и мислат дека направивме голема грешка.Но ова е само почеток“ - Ерв Поншарал зборува за новата Tech3 KTM MotoGP ера

Откако загуби 20 минути за време на шестата етапа, се чинеше дека заврши сонот на Сем Сандерленд да го повтори успехот од сезоната 2017. Сепак, откако успеа да стигне до победа на седмата етапа, тој повторно се врати во игра за првата позиција.

Шефот на Suzuki, Давиде Бривио вели дека губењето на концесијата била главната цел на Suzuki минатата година. Предупредува дека следната сезона ќе има поголем притисок.

MotoGP сезоната 2019 претставува нов почеток за возачот на Petronas Yamaha, Франко Морбидели. Поранешниот Moto2 шампион премина од тешката за возење Marc VDS RC213V машина на фабричката Yamaha која треба да биде иста со онаа која ја има неговиот ментор и менаџер, Валентино Роси.

Бидете информирани за сите новости директно на вашата е-маил адреса
Реклами

Ви благодариме

За тоа што споделувате содржини и го поддржувате нашиот веб сајт.