Домашни настани

МФМ доби организација на Европски шампионат во мотокрос!

thumb_IMG_9652На 9 и 10 декември во Констанца (Романија) се одржа годишниот конгрес на Балканската мото унија (БМУ). На конгресот присуствуваат 7 федерации од вкупно 13 членки.

Следете нè на:

 

IMG_9652

На 9 и 10 декември во Констанца (Романија) се одржа годишниот конгрес на Балканската мото унија (БМУ). На конгресот присуствуваат 7 федерации од вкупно 13 членки. Мотоциклистичката федерација на Македонија (МФМ) ја претставуваа Деан Блажевски и Владимир Карчицки. На конгресот се одлучуваше за новиот претседател; членови на управниот одбор; членови на комисии; измената на правилниците; како и календарот во мотокрос, брзински мотоциклизам на кружни патеки, супермото и ендуро.

IMG_9903За нов-стар претседател беше избран Богдан Николов (Бугарија), додека едногласно беше продолжен мандатот на членот на УО од МФМ, Зоран Наумовски. Свои претставници МФМ ќе има во комисиите за мотокрос, брзински мотоциклизам на кружни патеки, супермото и ендуро.

Традиционално МФМ ќе биде организатор на натпревар од отворениот Источно-Европски шампионат во мотокрос кој е закажан за 29 април 2012 година на патеката Милци крај Гевгелија. Во календарот на оваа дисциплина има вкупно 8 натпревари, а натпреварот во Македонија е втор по ред.

Што е уште позначајно, откако се покажа како одличен организатор, на МФМ едногласно и беше доделена организацијата на првиот натпревар од Европскиот шампионат во мотокрос. Тоа ќе биде најзначаен натпревар досега во организација на МФМ, со оглед на тоа што федерацијата постои само 4 години.

IMG_9988На 10 декември се одржа и свеченото прогласување на најдобрите во 2011 година. Одличните настапи во текот на целата сезона, на Гоце Томовски му го донесоа третото место во најсилната МХ1 класа во отворениот Источно-Европски шампионат во мотокрос. За прв пат МФМ и Македонија освоија и одличје во екипен пласман. Ендуро репрезентација на Македонија го освои второто место на „Купот на нациите“ за што и беше доделен вицешампионскиот пехар. Покрај тоа, дел од наградите додели и преставникот на МФМ, Деан Блажевски.

Извор: МФМ

Би можело да ве интересира

Неделата воопшто не изгледаше како ден на кој ќе се постави нов рекорд во Мото3 класата. Дождот предупредуваше да не се преземаат ризици и да се биде внимателен. Но Чан Онку се погрижи да се случи токму спротивното.

Последната трка од шампионатот ја одбележаа многуте падови, победата на Довициозо и подиумот на Алекс Ринс, а она што беше нај впечатливо беше успехот на Пол Еспергаро кој го донесе КТМ на третата позиција.

GRT Yamaha официјално потврди дека ќе му се приклучи на FIM Светскиот Супербајк шампионат во 2019 година, а Марко Меландри и Сандро Кортезе ќе бидат возачи на екипата.

Џонатан Реа уште еднаш покажа дека е еден од најдобрите возачи откако постигна најбрзо време на првиот зимски тест кој се оддржа на патеката во Арагон. Пробувајќи го за прв пат  ZX-10RR опремен со новите спецификации, Реа беше за 1.5 секунди побрз од останатите возачи.

Три кратниот светскиот шампион беше именуван за член на MotoGP™ Legend а Шпанецот исто така за време на последната трка од сезоната која се вози во Валенсија ќе биде вклучен и во куќата на славните. Педроса, во 2003 година ја освои титулата во категоријата од 125cc а во 2004 и 2005 година титулата во 250cc. Тој е еден од најуспешните возачи во премиерната класа.

„ Ducati потврди дека нема да биде продолжена соработката со поранешниот MotoGP шампион“

Бидете информирани за сите новости директно на вашата е-маил адреса
Реклами

Ви благодариме

За тоа што споделувате содржини и го поддржувате нашиот веб сајт.