Домашни настани

Се одржа првата ЕндуроКрос трка во Македонија

Успешна огранизација на првата ЕндуроКрос трка во Македонија која денеска се возеше на патеката Орман во Скопје.

Следете нè на:

 

orman-2014-16Успешна организација на првата ЕндуроКрос трка во Македонија

Успешна огранизација на првата ЕндуроКрос трка во Македонија која денеска се возеше на патеката Орман во Скопје.

Публиката на патеката Орман имаше прилика да ужива во првата ЕндуроКрос трка која ја организираа МК Вардар и МК Мото Велес. Иако временските услови не беа идеални, сепак имаше доволно публика за да ги поздрави оние 16 возачи кои машки извозеа по две трки во класите Е1, Е2 и Е3.

Дека условите беа лоши најдобро знаат самите возачи, калта им задаваше проблеми на ендуро сегментот од патеката, а заморот од ваквите услови си го правеше своето по само неколку кругови.

Сепак бевме сведоци на вистински борбени трки, посебно во класата E1 каде Драган Ванов и Михаил Бајовски имаа тешка задача да дојдат до победата. Во класата Е1 во конкуренција на 7 возачи Драган Ванов беше победник на првата трка, а на втората победи Михаил Бајовски. На крајот двајцата заминаа со по 47 бодови на своето конто, како и искуство повеќе кое сигурно ќе им послужи во понатамошната кариера. Во класата Е1 третото место му припадна на Никола Гулевски, а солиден настап имаше и Немања Периќ од Србија. Во оваа класа настапија и Лиридон Халили како и Ангел Ристов.

orman-2014-102

 Во класата Е2 нај успешен беше Фазли Ислами кој забележа една победа и едно трето место, Ване Јованов со две втори места беше со само еден бод заостанување зад Ислами, додека пак на третата позиција го видовме добро познатиот Мирче Ќорнаков кој беше и победник на втората трка. Во класата Е2 настапија и Ивица Гиновски и Илија Минев.

orman-2014-103

И кај ветераните следевме возбудлива борба, во класата Е3 нај успешен беше Борче Костов со две победи, втор беше Никола Дабиќ кој настапи како дебитант и за прв пат се појави на трка во Орман успеа на двете трки да дојде до второто место, а трет беше Џавид Аднан. Во оваа класа ги проследивме и возењата на Сашко Ванов и Васко Киров.

orman-2014-104

За целата галерија кликнете овде.

Честитки до организаторите, како и до учесниците на трките кои беа далеку од лесни за возење, но возбудливи и исполнети со адреналин. Се надеваме дека ќе имаме прилика да проследиме уште некоја трка од оваа дисциплина која зема се поголем замав на патеките ширум светот.

 

Би можело да ве интересира

Неделата воопшто не изгледаше како ден на кој ќе се постави нов рекорд во Мото3 класата. Дождот предупредуваше да не се преземаат ризици и да се биде внимателен. Но Чан Онку се погрижи да се случи токму спротивното.

Последната трка од шампионатот ја одбележаа многуте падови, победата на Довициозо и подиумот на Алекс Ринс, а она што беше нај впечатливо беше успехот на Пол Еспергаро кој го донесе КТМ на третата позиција.

GRT Yamaha официјално потврди дека ќе му се приклучи на FIM Светскиот Супербајк шампионат во 2019 година, а Марко Меландри и Сандро Кортезе ќе бидат возачи на екипата.

Џонатан Реа уште еднаш покажа дека е еден од најдобрите возачи откако постигна најбрзо време на првиот зимски тест кој се оддржа на патеката во Арагон. Пробувајќи го за прв пат  ZX-10RR опремен со новите спецификации, Реа беше за 1.5 секунди побрз од останатите возачи.

Три кратниот светскиот шампион беше именуван за член на MotoGP™ Legend а Шпанецот исто така за време на последната трка од сезоната која се вози во Валенсија ќе биде вклучен и во куќата на славните. Педроса, во 2003 година ја освои титулата во категоријата од 125cc а во 2004 и 2005 година титулата во 250cc. Тој е еден од најуспешните возачи во премиерната класа.

„ Ducati потврди дека нема да биде продолжена соработката со поранешниот MotoGP шампион“

Бидете информирани за сите новости директно на вашата е-маил адреса
Реклами

Ви благодариме

За тоа што споделувате содржини и го поддржувате нашиот веб сајт.