Домашни настани

Се одржа третата трка од Сакамото купот

Патеката Волково викендов беше домаќин на третата трка во сезоната од Сакамото купот во трки со скутери, супермото и минимото.

Следете нè на:

 

volkovo3-13Волково 3: Трки со скутери, супермото и минимото

Патеката Волково викендов беше домаќин на третата трка во сезоната од Сакамото купот во трки со скутери, супермото и минимото.

Пеколното јулско сонце викендов максимално им ги отежна условите на малкутемина храбри момци кои се појавија на патеката Волково за третата трка во сезоната од Сакамото купот. Бевме сведоци на трки со скутери, супермото и секако надежта на македонскиот мотоциклизам, дечињата во класата минимото.

Заради малиот број на учесници се возеа вкупно три трки, по две класи во секоја девизија освен кај најмалите.

Кај класата скутери до 50 цм3 победник беше Илија Петрушевски, а второто место му припадна на Горан Димитровски, во класата скутери над 50 цм3 победи Стефан Кондосоров, додека пак на второ место се искачи Далибор Серафимов.

volkovo3-45Убедлива победа за Кондосоров во класата над 50 цм3

Во Супермото трките Христијан Бузалковски беше подобар од Баже Шишковски во класата до 250 цм3, додека пак домаќинот Слободан Ивчески немаше конкуренција во класата до 450 цм3. Импресионираше возењето на Бузалковски кој од трка во трка е се подобар, а секако тука е и неговиот тркачки став кој му дава самодоверба па на доделувањето на медалите на коментарот дека титулата е се поблиску до него тој изјави: - Не е блиску, моја е!

За сите слики од трките кликнете овде.

Најмладите возачи во класата минимото ни приредија интересна трка во која Лука Милошевиќ беше убедлив пред Филип Јаневски, и Лео Ивчески на третото место. Навистина е уживање да се гледаат младите надежи како возат по патеката, се надеваме дека во иднина повеќе родители ќе ги мотивираат своите деца од мали нозе да се насочат кон спортот, за во иднина да пресраснат во носители на македонскиот мото спорт.

volkovo3-36Иднината на македонскиот мотоциклизам, дечињата во класата минимото

Жално е што трките не добија поддршка од МФМ да се бодуваат за домашен шампионат, возењето на куп исто така се бодува до крајот на сезоната кога ќе бидат прогласени и шампионите по класи, но возењето на трки од домашното првенство носи поголема тежина. Во моменти кога ни умира мото сцената и нема никакви случувања треба да се поддржат организаторите на секој можен начин, да се седне на заедничка маса, да се испеглаат недоразбирањата и да се продолжи напред, за доброто на мотоциклизмот, мото спортот, за дечињата кои утре ќе сакаат да возат трки и да не претставуваат надвор од државава.

Би можело да ве интересира

Крузер линијата на Honda доби уште еден специјален модел за сезоната која престои. Станува збор за 2019 Honda Fury кој ќе се издвои од останатите модели по својот храбар дизајн и ретро изглед.

Без никакво сомневање, Италија би можела да се нарече центар на дизајнерските студија од целиот свет. Ајде одблизу да ја разгледаме Италијанската дизајнерска сцена на мотоцикли.

Гран При комисијата ги одложи до јуни задолжителните хомологациски правила за кацигите.

Во изминативе две години бевме малку изгубени, но сега знаеме по кој правец да се движиме и имаме поголем оптимизам – Валентино Роси.

Кал Кратчлоу вели дека воопшто не чувствува болка во зглобот кога е на мотоциклот но кога ќе се симне од него е друга приказна.

Новите надворешни додатоци на Yamaha и Ducati добија одобрување, вели техничкиот директор на MotoGP, Дени Олдриџ.

Бидете информирани за сите новости директно на вашата е-маил адреса
Реклами

Благодарност!

Ви благодариме за тоа што споделувате содржини и го поддржувате нашиот веб сајт.