Втората мото забава во организација на мото клубот Steelwings MC се одржа во нивниот клаб хаус во Тетово. Минатата година кога за прв пат не поканија во нивното „собиралиште“ и не известија дека се наоѓа во подрум од зграда бевме помалку скептични..

Втората мото забава во организација на мото клубот Steelwings MC се одржа во нивниот клаб хаус во Тетово. Минатата година кога за прв пат не поканија во нивното „собиралиште“ и не известија дека се наоѓа во подрум од зграда бевме помалку скептични се додека не пристигнавм на местото. „Подрумот“ е уреден прекрасно, а местото е идеално за мото забави. Доволно простор да ги собере луѓето од сите мото клубови, па дури и оние кои сакаат со својот љубимец на две тркала да влезат внатре! Имајќи ја во предвид минатогодишната забава, со нетрпение го очекувавме 5-ти мај, второто продолжение на Steelwings MC Spring Party.

Гостите од повеќе клубови и градови започнаа да пристигнуваат по 20.30 и покрај тоа што забавата беше закажана за во 19.00. Оние кои за прв пат доаѓаа во нивниот локал имаа проблем со пронаоѓање на местото што е наша замерка до организаторот. Поставување на 2-3 деца низ Тетово кои ќе ги насочуваат моторџиите кон нивниот клаб хаус е задолжителна работа за следниот собир. Сепак домаќините како и секојпат се покажаа во одлично светло, срдечно пречекувајќи ги сите гости.

На забавата беа забележани гости од следните клубови: Мото Скопје, Шарпланинци - Тетово, Мечки – Куманово, POTFAT MC, Lone Knights MC, Ноќни Волци, Којоти, а од странските клубови пристурни беа претставници на: Red Devils MC, Street Eagles MC, Hells Angels MC, Real Bikers MC и Lowlanders MC.

Самата забава помина во одлична атмосфера, бендот иако младолик приреди вистинско изненадување со настапот, а цреша на шлагот беа двете танчерки од Србија кои ја доведоа атмосферата до точка на вриење.

Во моментите кога сите беа замаени од атмосферата, единствено келнерите беа трезвини и на неколку гости им наплаќаа од ракав, па така ако на почетокот пивото беше 60 денари, на моменти достигнуваше цена од 80 денари :)

Забавата траеше до раните утрински часови, а задоволните гости си заминаа со надеж дека нема да треба да чекаат уште цела една година за повторно да дојдат во клаб хаусот на Steelwings MC.

За целата галерија од настанот кликнете овде.

Горан Нечев - Докторот