Корисни текстови

Еден човек, еден мотор, една планета

rfp.jpg Џефри Полнаја е Индонезиец кој е на пат од 2006 година. Ride For Peace, е мисија во која тој го промовира мирот во светот возејќи го својот мотор низ целата планета. До сега има поминато 52 земји низ Азија, Африка и Европа, а неговото патување ќе заврши во 2011 откако претходно ќе ги обиколи Америка и Австралија. Македонија е 53 земја која тој ја посетува, па желни да дознаеме нешто повеќе за него направивме ексклузивно интервју во Custom Pub, клубското место на POTFAT MC.

Следете нè на:

rfp.jpg Џефри Полнаја е Индонезиец кој е на пат од 2006 година. Ride For Peace, е мисија во која тој го промовира мирот во светот возејќи го својот мотор низ целата планета. До сега има поминато 52 земји низ Азија, Африка и Европа, а неговото патување ќе заврши во 2011 откако претходно ќе ги обиколи Америка и Австралија. Македонија е 53 земја која тој ја посетува, па желни да дознаеме нешто повеќе за него направивме ексклузивно интервју во Custom Pub, клубското место на POTFAT MC.

Џефри Полнаја е Индонезиец кој е на пат од 2006 година. Ride For Peace, е мисија во која тој го промовира мирот во светот возејќи го својот мотор низ целата планета. До сега има поминато 52 земји низ Азија, Африка и Европа, а неговото патување ќе заврши во 2011 откако претходно ќе ги обиколи Америка и Австралија. Македонија е 53 земја која тој ја посетува, па желни да дознаеме нешто повеќе за него направивме ексклузивно интервју во Custom Pub, клубското место на POTFAT MC.

Кажете ми за вашето патување до сега?

Го започнав патувањето во април, 2006. Тргнав од Џакарта - Индонезија, па продолжив да возам до Сингапур, Малезија, Тајланд, Камбоџа, Лаос, Кина и останатиот дел од Азија. Потоа преку Арабскиот полуостров стасав во Египет. Ја поминав цела Северна Африка, и преку Мароко влегов во Шпанија. Сега сум низ Европа, а од тука ќе заминам за Америка па потоа во Австралија. Дома ќе се вратам во 2011. Тоа ќе биде патување од 5 години, на патот сме јас и мојот мотор, сосем сами.

Не сте носталгичен?
- Па..соло возењето е тешко, се треба да правиш сам. На моменти навистина ме фаќа носталгија но тоа е тоа.

 

rfp2.jpgrfp2.jpg
 

Дали имате помош од останатите моторџии?
- Да! Луѓето знаат дека сум сам и сите моторџии ме разбираат, знаете, се работи за братство во кое има непишани правила. Во ова братство на луѓето не им се битни границите, ниту религијата, ништо, се работи само за едно, блискоста на луѓето. Имам брат во секоја земја.

 

Зошто мотор?
-Патувајќи со мотор можам да го почувствувам времето, да ја почувствувам жештината на пустината, свежината која ја има во планините, можам да го почувствувам мирисот на борот, можам да го почувствувам она што и вие го чувствувате. Овде сум за да ја запознаам околината, ја јадам храната која вие ја јадете, возам по патиштата по кои возите и вие, навистина ми е драго што сум овде. Македонија е 53 земја во која возам.

Кои беа најекстремните услови низ кои поминавте?  
-Па...-40 степени, беше навистина ладно во Непал. Од друга страна, во Африка, во Арабија беше 55 степени и беше навистина топло.

 

rfp3.jpgrfp3.jpg

 

Што со моторот? Како тој ги поднесе временските услови?
 - За сега доста добро. Се расипа само еднаш, но тоа беше бидејќи ме удри автомобил.

Ве удрил автомобил?
- Да, тоа беше во близина на пустината, автомобилот ме удри и продолжи понатаму како ништо да не било. Едноставно ме оставија таму, по што бев изгубен три дена. Мојот GPS беше расипан, но се беше во ред со мене, па...добро е J

Некои други лоши сеќавања?
- Па пукаа кон мене и ме ограбија...всушност ситуација во која бев ограбен беше смешна. Луѓето  кои ме ограбија беа вооружани и ми рекоа дека сум среќен затоа што сум Индиец, бидејќи ако бев нешто друго сигурно ќе ме убиеле. Потоа тие ме пуштија да си одам но не можев да си го подигнам моторот од земја, претежок е, па ги замолив за помош. Без никаков проблем тие ги ставија пушките на рамо, го кренаа моторот од земја и ме испратија.

Што со оние добрите случки?
- Во Непал имаше еден човек кој ми помогна многу. Непал е специфична земја и морав да поминам низ снегот на време, бидејќи ако чекав ќе морав да останам таму три месеци. Тој го помина целиот тој пат низ снегот со мене. Тој е сиромав човек, но не сакаше да земе пари за тоа што ми помогна. Рече дека го прави тоа затоа што сака да помага.

 

rfp4.jpgrfp4.jpg

 

Споменавте пари. Дали имате некаква финансиска помош од BMW?
- Не.

Немате помош, а возите BMW низ целиот свет?
- Да, знам, звучи лошо..немам финансиска помош но тие ме поддржуваат. Ми овозможуваат бесплатен сервис за моторот во секоја земја.

По колку денови поминувате во една земја?
- Зависи..останувам неколку денови во една земја, ден повеќе или ден помалку во другата, зависи од големината на земјата, местата кои треба да го посетам итн. Во Македонија ќе останам 5 дена.

Поминавте низ повеќе од 50 земји досега, која беше најубава за вас?
- Да бидам искрен поранешните Југословенски републики се многу убави, ми се допаѓа овде многу. Го поминав Јадранот, убави места, убави планини, добри патишта..ми се допадна многу...Црна Гора, овде... целата оваа област е прекрасна. Луѓето се учтиви, пријателски настроени, спремни за пречек. Се чувствувам како да сум дома, само што сум во Европа.

rfp1.jpgrfp1.jpg

 

Каква е Македонија?
- Прекрасна! Сите се насмеани овдека, се возат многу мотори, времето е одлично, а и храната. Сега мислам дека пет денови ќе ми бидат малку за мојот престој овде.

За крај?
- Ги поздравувам сите моторџии во Македонија, и сите луѓе кои живеат овде. Се надевам дека мојата посета ќе допринесе за распростанување на идејата за мир во свето не само помеѓу моторџиите туку и помеѓу сите луѓе. Ви благодарам.

 

rfp5.jpgrfp5.jpg

 

motul makeodnija

Би можело да ве интересира

Во текот на вчерашнито ден на Марк Маркез му била извршена втора операција во болницата во Барселона.

Со денешното соопштение челниците на Дорна, ФИМ и ИРТА ставија крај на шпекулациите за годинешниот шампионат, отпаѓаат Аргентина, Тајланд и Малезија, а во календарот е додадена трка на 22 ноември на патека која дополнително ќе биде објавена но ќе биде во Европа.

Патеката Херез во Шпанија ќе биде домаќин и на втората трка во сезоната. Во продолжение следува распоредот за сите сесии.

Сезоната во брзински мотоциклизам требаше веќе да биде во полн ек, но заради пандемијата со вирусот исто како и во Светски рамки и локалните шампионати беа одложени. Разговараме со Хрситијан Бузалковски за актуелната состојба и неговите размислувања за претстојната сезона.

Africa Twin е одличен избор за сериозните оф роуд ентузијасти. Ако пак сакате подолга авантура, тогаш Africa Twin Adventure Sports ES моделите се одлична опција за вас со оглед на тоа дека имаат дополнителна опрема, електронски контролирана суспензија, прилагодливо ветробранско стакло, поголем резервоар за гориво и уште неколку други додатоци.

Првата трка од сезоната во МотоГП шампионатот донесе многу возбудувања, фантастичен викенд за младиот Фабио Квартараро и катастрофа за актуелниот шампион Марк Маркез.

Реклами

Благодарност!

Ви благодариме за тоа што споделувате содржини и го поддржувате нашиот веб сајт.