Корисни текстови

Како се организира трка и што е потребно за учество

Вториот текст од серијалот посветен на МФМ е наменет за потенцијалните заменици на Јуха Салминен, Рики Кармајкл или Валентино Роси во Македонија. Во првиот текст пишувавме која е процедурата за регистрација на мото клуб.

Следете нè на:

 

Вториот текст од серијалот посветен на МФМ е наменет за потенцијалните заменици на Јуха Салминен, Рики Кармајкл или Валентино Роси во Македонија. Во првиот текст пишувавме која е процедурата за регистрација на мото клуб.

moto_trka_kicevo_2_2008Почетокот на втората трка од брзинскиот шампионат на Македонија во 2008

Вториот текст од серијалот посветен на МФМ е наменет за потенцијалните заменици на Јуха Салминен, Рики Кармајкл или Валентино Роси во Македонија. Во првиот текст пишувавме која е процедурата за регистрација на мото клуб, а во продолжение ќе можете да прочитате што се е потребно за еден мото клуб да организира трка од домашниот шампионат и што е потребно за еден натпреварувач да добие тркачка лиценца.

За еден клуб да организира трка од било која дисциплина (брзински, крос, ендуро...) потребно е да се пополни образец за пријавување на трка откако МФМ ќе го објави календарот на трки за тековната година. МФМ го објавува календарот релативно касно, но тоа е од причина што се чека на објавување на календарите од меѓународните трки. Федерацијата ги дава предлозите за датумите на трките, а управниот одбор одлучува за самиот календар на трки.

Зошто преку МФМ?
Трките кои се организираат од МФМ се бодуваат за шампионатот на Македонија, бидејќи само МФМ има решение за дејност спорт како Федерација во областа на мотоциклизмот. Доколку некој клуб се одлучи самоиницијативно односно на своја рака да организира трка, нема да има никаков проблем со тоа, но трката нема да се бодува за државниот шампионат од соодветната дисциплина. Клубовите кои како технички организатори организираат трка преку МФМ од Федерацијата добиваат опрема за патеката (знамиња, семафор, знаци...), сепак поголем дел од обврските се на терет на клубот.

Што треба клубот да обезбеди?
Она што треба самиот клуб да го обезбеди е хроно екипа односно мерење на времето. Цената за користење на хроното за трките организирани од МФМ е по повластена цена од 9.000 денари (за споредба bgsportstiming наплаќаат по 1000евра од трка). Исто така, при организирање на трка најважно е да се запазат безбедносните мерки, па потребно е да се обезбеди амбулантно возило и противпожарна екипа. Клубот треба да плати осигурување на фунцкионерите, публиката и осигурување од трети лица. Дополнителни трошоци се обезбедување на пехари, разглас, бина.... клубовите треба да ги платат и спортските функционери (судии, членови на жири, техничка комисија...), ова функционира така што МФМ доставува список на лиценцирани функционери и го одредува делегатот на трката, а на клубот останува да одлучи кои функционери ќе присуствуваат на трката. МФМ во моментот располага со педесетина функционери. Клубот треба да подготви и посебниот правилник за секој натпревар кој го верификува МФМ и заедно со пријавата го испраќа до сите клубови членки.

Со некоја груба пресметка, било која трка од македонски шампионат чини најмалку 2.000 евра.

Што е со натпреварувачите, како се учествува на трка?
За еден натпреварувач да учествува на трка потребно е да биде зачленет во мото клуб кој е член на МФМ. Клубот потоа од МФМ за тој натпреварувач бара издавање на натпреварувачка лиценца, а цените за лиценците се Ранг А: 500ден (Ранг А е лиценца за оние возачи со меѓународно искуство, и титули зад себе) и Ранг Б: 300ден. Клубот до МФМ треба да достави лекарско уверение за натпреварувачот со образец кој го дава МФМ. Дополнително треба да се достави и копија од заверена пристапница од натпреварувачот во клубот за кој тој сака да настапува.

Во 2011 имало 97 лиценцирани натпреварувачи од кои најмногу во ендуро 56.

Секој натпреварувач мора да има лично осигурување за учество на натпревари и препорачливо е тоа да биде на годишно ниво, за жал кај нас најчесто се обезбедува осигурување само за денот на натпреварот. Натпреварувачот треба да побара лично осигурување за тренинзи и натпревари во РМ (на годишно ниво сумата е значително помала отколку да се вади дневно кое чини околу 200 денари).

Што е со меѓународните трки?
За настап на трка во странство, пријавата ја врши МФМ по барање на клубот (натпреварувачот поднесува барање до својот клуб, а клубот до МФМ). Потоа МФМ му издава дозвола за настап (start permission) со која тој натпреварувач може да настапи на трката. Покрај тоа МФМ издава и потврди за мотоциклите да можат да се пренесат преку граничен премин. Освен дозволата од МФМ, постои и АТА карнет (привремен увоз) кој чини околу 100евра годишно со кој сигурно без проблеми се преминува секој граничен премин.

За настап на трка во странство, натпреварувачот мора да поседува и лично осигурување кое треба да биде со клаузули со траен инвалидитет и смрт. Ова осигурање треба да биде со назнака за меѓународни натпревари, а како и секое друго патничко осигурување за странство истото е напишано и на Англиски јазик. Личното осигурување е индивидуална обврска на секој натпреварувач и тој самиот треба да се погрижи за тоа.

Од оваа година ќе се започне со организација на „Отворен шампионат на Македонија“ (трки во кои ќе земат учество и гости од странство, а секоја трка ќе се бодува и за шампионатот на Македонија и за Отворениот шампионат), а предлогот и идејата е ова да се реализира во сите дисциплини.

Во зависност од класата, постои и котизација која се плаќа пред учество на трката, котизацијата се одредува според правилникот за дисциплини (пр. Ендуро -1000 денари, Мотокрос -0 денари итн). Котизацијата се плаќа на верификацијата пред самиот натпревар. Пред самата трка секој натпреварувач треба да приложи лиценца, лекарско уверение, осигурување, пријава и котизација. Странските учесници на било кој натпревар мора да имаат дозвола за настап од матичната федерација. Покрај верификација се врши и технички преглед на мотоциклот во кој се одредува дали тој одговара на класата и дисциплината во која е пријавен.

motul makeodnija

Би можело да ве интересира

MotoGP шампионот, Марк Маркез, вели дека шасијата, перформансите на моторот како и поголемата концентрација се главните причини зошто има толку малку инциденти за време на трките.

Денеска ви носиме нови вести околу продажбата на мотоцикли.

Малата разлика во поразите на трките во Катар и Муџело покажува дека возачот на Honda е способен да победи на патеките кои му одговараат на мотоциклот на Ducati.

„Ги финализираме преговорите со возачот и неговиот менаџер. Се надеваме дека наскоро ќе ја слушнеме нивната одлука“ - Алекс Маркез ќе остане дел од Moto2 и ќе вози за Marc VDS?

Една од најинтересните работи кои ги видовме за време на WorldSBK трката која се возеше во Лагуна Сека беше преставувањето на најновиот модел кој ни доаѓа од фабриката во Болоња, Ducati Panigale V4 25° Anniversario 916.

Вообичаено, ова би требало да биде најдобриот период за забавниот парк во Калифорнија, но тој е затворен поради реновирање.

Бидете информирани за сите новости директно на вашата е-маил адреса
Реклами

Благодарност!

Ви благодариме за тоа што споделувате содржини и го поддржувате нашиот веб сајт.