Корисни текстови

Сè за мото гумите: Дали е важен датумот на производство?

Се прашувате дали е време да ја промените гумата на вашиот мотоцикл? „Познавачите“ ве убедуваат дека не треба да купите нова гума со постар датум на производство, но дали е тоа навистина така?

Следете нè на:

 

Пред некое време при посета на трка од Супербајк шампионатот останав зачуден кога во боксот на Пирели забележав дека гумите со кои се снабдуваат тимовите се стари по неколку години. Кај нас важи правилото дека гумата треба да е нова за да биде функционална, но експертите за гуми велат поинаку.

wsbk istanbul 2013 53Секоја нова гума која не е постара од 5 години и е чувана на правилен начин е добра

Она што се подразбира под стареење кај гумите за мотоцикли, е всушност хемиски и физички процес кој се случува многу бавно, но само во случај кога гумите правилно се чуваат.

Доколку се чуваат како што е препорачано (на ладно и суво место и да не се изложени на директна светлина или некаква хемикалија) гумата ќе може да остане во добра состојба долго време.

До пет години по датумот на производство, доколку внимателно се чуваат, неупотребените гуми може да се продаваат или да се користат како да се нови. 

Гаранцијата на гумите почнува од моментот кога тие се купени, без разлика кога се произведени, а скоро сите производители на гуми препорачуваат промена на сите гуми кои се постари од десет години со нови.

Како да препознаете кога се произведени гумите на вашиот мотоцикл?

Печатот со дата на производство може да се најде на предната страна, веднаш после печатот DOT. (Печатот со дата го има само на едната страна на гумата)

Во случај на гуми кои се произведени после 1999 година,  последните четири бројки ја означуваат датата на производство. Првите две бројки ја означуваат неделата на производство (од 01 до 53), а последните две бројки ја означуваат годината (на пример, гума на која пишува 2715, е произведена на дваесет и седмата недела од 2015 година).

guma datumОваа гума е произведена во 14-та недела од 2011 година

Кога да ја замените и како да забележите истрошена гума?

Не е многу пријатно кога ги гледате шарите на вашата гума и кога си велите, не е толку лоша, уште може да се вози. Но во реалност, вашите гуми не мора да бидат излижани за да мора да ги промените. Еве неколку работи што може да ги проверите доколку поминалео подолго време откако сте ставиле нови гуми.

guma parickaДлабочина на шарите: За да не претпоставувате, производителите ги обележуваат линиите околу шарата. Кога тие ќе се спојат, време е за нови гуми. Уште еден лесен трик е со употреба на паричка. Ставетеја паричката во шарата. Доколку таа е малку покриена, тогаш можете уште да ги користите. Треба да има барем 1,5мм од шарата на секој дел од гумата.  

Старост: Без разлика на шарата на гумата, нејзината старост не треба да надмине пет години. Некои тврдат дека гумата може да се користи уште долго после рокот на употреба. Ние сметаме дека таа може да се користи најмногу десет години.

puknata gumaНапукнување: Како и кај повеќето работи, и гумите не се имуни на сончевите зраци. Ако вашите гуми долго време се изложени на директна светлина, тогаш ќе забележите пукнатини на страничните делови од гумата.

Исечени делови: Редовно проверувајте ја вашата гума дали е скината некаде.

izlizana gumaГубење на притисок: Доколку редовно го проверувате притисокот, ќе забележите доколку вашата гума го губи притисокот премногу брзо. Ако се случува тоа, тогаш можеби вашата гума е излижана и испушта воздух.

Се чувствува старо: Понекогаш најдобар начин да ја проверите гумата  е со вашите раце. Доколку забележувате вибрации, пулсирање или имате чудно чувство додека возите, тогаш најверојатно имате проблем со вашите гуми.

Недоволно или премногу напумпани гуми исто така може да ви создадат проблем. На дното или по страните гумата ќе биде поширока доколку таа не е добро напумпана.

Во продолжение и табела со кодовите кои ја означуваат максималната дозволена брзина за гумата

КодМаксимална брзина (Км/ч)
L 120
M 130
N 140
P 150
Q 160
R 170
S 180
T 190
U 200
H 210
V 240
W 270
Y 300
Z/ZR 300+

Би можело да ве интересира

Сега откако пред-сезонските програми веќе се финализирани и се знаат целите за сезоната 2019, разгледавме што му е потребно на секој тим во сезоната која претстои. За време на заедничката прес конференција на сите тимски менаџери, секој од шефовите на екипите откри какви им се приоритетите во текот на зимските тестови.

Зборувајќи за Crash.net, Скот Рединг открива која е единствената работа за која жали што не ја направил за време на неговиот  11 годишен престој во Гран При трките:  Губењето на титулата во Moto2  серијата во 2013 година.

„Некои луѓе ни се смеат и мислат дека направивме голема грешка.Но ова е само почеток“ - Ерв Поншарал зборува за новата Tech3 KTM MotoGP ера

Откако загуби 20 минути за време на шестата етапа, се чинеше дека заврши сонот на Сем Сандерленд да го повтори успехот од сезоната 2017. Сепак, откако успеа да стигне до победа на седмата етапа, тој повторно се врати во игра за првата позиција.

Шефот на Suzuki, Давиде Бривио вели дека губењето на концесијата била главната цел на Suzuki минатата година. Предупредува дека следната сезона ќе има поголем притисок.

MotoGP сезоната 2019 претставува нов почеток за возачот на Petronas Yamaha, Франко Морбидели. Поранешниот Moto2 шампион премина од тешката за возење Marc VDS RC213V машина на фабричката Yamaha која треба да биде иста со онаа која ја има неговиот ментор и менаџер, Валентино Роси.

Бидете информирани за сите новости директно на вашата е-маил адреса
Реклами

Ви благодариме

За тоа што споделувате содржини и го поддржувате нашиот веб сајт.