MK мотоциклисти на меѓународни трки

ИЕШ во брзински мотоциклизам: Петто место за Зизи

Балканската мото унија ги објави конечните резултати од Источно Европскиот шампионат во брзински мотоциклизам, на крајот од сезоната нашиот Игор Спиров - Зизи го освои петтото место во конкуренција од 29 возачи.

Следете нè на:

 

spirov-petti-iesИгор Спиров на трка во Плевен, Бугарија

Балканската мото унија ги објави конечните резултати од Источно Европскиот шампионат во брзински мотоциклизам, на крајот од сезоната нашиот Игор Спиров - Зизи го освои петтото место во конкуренција од 29 возачи.

Сезоната во Источно Европскиот шампионат во брзински мотоциклизам годинава беше редуцирана во однос на претходната. Иако според планот требаше да се возат трки во Грција, Србија и Бугарија, на крајот шампионатот се сведе на трки на патеката Плевен во Бугарија. Бугарските натпреварувачи ја искористија домашната патека, па така на крајот од сезоната нов шампион на Источна Европа е бугаринот Пламен Петров. Тој титулата ја освои сосема заслужено, а на второто место се најде Далибор Милетич од Србија кој годинава покажа одлично возење.

Игор Спиров вложи максимален напор да ја помине сезоната на најдобар можен начин во однос на условите кои ги има. Во недостаток на домашен шампионат тој подготовките ги поминува на празната патека во Кичево, а годинава имаше и обид за возење во српскиот шампионат каде настапи на две трки. Сепак за вистински подготовки потребни се финансиски средства кои ќе бидат поттик за уште подобри резултати, а со чест на исклучоци, спонзорите во мото светот кај нас скоро и да не постојат.

zizi-pleven-1Уште една успешна сезона за Зизи во Источно-Европскиот шампионат

Во едно сме сигурни, успехот на Зизи ќе беше подобар доколку се возеа сите предвидени трки. Патеката во Серес ја познава одлично, исто како и онаа во Батајница, но откако беа откажани трките во Грција и Србија, петтото место во генералниот пласман е одличен успех, иако пред почетокот на сезоната се надевавме на пласман во првите тројца. За споредба, третопласираниот Спас Панев од Бугарија има само 9 бода предност во однос на Зизи.

Се надеваме дека следната сезона во Источно Европскиот шампионат ќе се возат сите предвидени трки, и дека Зизи ќе смогне сили (пред се финансиски) да продолжи со успешната кариера. 

 

Би можело да ве интересира

Сега откако пред-сезонските програми веќе се финализирани и се знаат целите за сезоната 2019, разгледавме што му е потребно на секој тим во сезоната која претстои. За време на заедничката прес конференција на сите тимски менаџери, секој од шефовите на екипите откри какви им се приоритетите во текот на зимските тестови.

Зборувајќи за Crash.net, Скот Рединг открива која е единствената работа за која жали што не ја направил за време на неговиот  11 годишен престој во Гран При трките:  Губењето на титулата во Moto2  серијата во 2013 година.

„Некои луѓе ни се смеат и мислат дека направивме голема грешка.Но ова е само почеток“ - Ерв Поншарал зборува за новата Tech3 KTM MotoGP ера

Откако загуби 20 минути за време на шестата етапа, се чинеше дека заврши сонот на Сем Сандерленд да го повтори успехот од сезоната 2017. Сепак, откако успеа да стигне до победа на седмата етапа, тој повторно се врати во игра за првата позиција.

Шефот на Suzuki, Давиде Бривио вели дека губењето на концесијата била главната цел на Suzuki минатата година. Предупредува дека следната сезона ќе има поголем притисок.

MotoGP сезоната 2019 претставува нов почеток за возачот на Petronas Yamaha, Франко Морбидели. Поранешниот Moto2 шампион премина од тешката за возење Marc VDS RC213V машина на фабричката Yamaha која треба да биде иста со онаа која ја има неговиот ментор и менаџер, Валентино Роси.

Бидете информирани за сите новости директно на вашата е-маил адреса
Реклами

Ви благодариме

За тоа што споделувате содржини и го поддржувате нашиот веб сајт.