Викендов на патеката Глобаре во Србија ќе се вози четвртата рунда од Источно Европскиот шампионат во Мотокрос на која ќе настапат четворица наши натпреварувачи.
Викендов на патеката Глобаре во Србија ќе се вози четвртата рунда од Источно Европскиот шампионат во Мотокрос на која ќе настапат четворица наши натпреварувачи.
Во најсилната класа МХ1 боите на Македонија ќе ги бранат Христијан Илиоски (МК Пелистер) и Гоце Томовски (МК Гого), додека пак во класата МХ Ветерани ќе го проследиме настапот на Борче Костов и Јован Стојков (МК Ноќни Волци).
Во генералниот пласман по три рунди (шест трки) во класата МХ1 Христијан Илиоски се наоѓа на четвртата позиција со 90 бодови, 48 помалку од водечкиот Тодор Тотев од Бугарија. Бодовите на Илиоски се од две рунди (четири трки), бидејќи не настапи на трките во Турција.
Во класата МХ Ветерани, Борче Костов исто така се наоѓа на четвртата позиција со 85 бодови, 18 помалку од третопласираниот Петров од Бугарија. Костов се бодува и во класата МХ каде ја завзема 6-та позиција со 50 освоени бодови.
Според распоредот, по трката на Глобаре преостануваат уште три рунди, од кои едната треба да се вози во Македонија на датум кој дополнително треба да се утврди.
МОТОКРОС | |||
# | Датум | Патека | Земја |
Рунда 1 | 05 април 2015 | Јаница | Грција |
Рунда 2 | 12 април 2015 | Гевгелија | Македонија (ОДЛОЖЕНА) |
Рунда 3 | 26 април 2015 | Бурса | Турција |
Рунда 4 | 07 јуни 2015 | Крешево | Босна и Херцеговина |
Рунда 5 | 28 јуни 2015 | Глобаре | Србија |
Рунда 6 | 30 август 2015 | Самоков | Бугарија |
Рунда 7 | 04 октомври 2015 | Тројан | Бугарија |