MK мотоциклисти на меѓународни трки

Осмо место за Спиров во Поникве

Нашиот единствен претставник на трката која викендов се возеше на аеродромот Поникве во близина на Ужице го освои 8-то место во конкуренција од 16 возачи.

Следете нè на:

 

ponikve-1-96Игор Спиров со 8 место во конкуренција од 16 возачи во Поникве

Нашиот единствен претставник на трката која викендов се возеше на аеродромот Поникве во близина на Ужице го освои 8-то место во конкуренција од 16 возачи.

Викендов на патеката Поникве крај градот Ужице во Србија се возеше првата трка од Шампионатот во брзински мотоциклизам на Србија. На трката учествуваше и нашиот претставник Игор Спиров - Зизи кој како што најавивме пред неколку месеци имаше во план да го вози целиот српски шампионат бидејќи кај нас нема трки.

За жал на Спиров не му беше дозволено да се бодува за шампионатот, иако во дописот од МСС до МФМ јасно стои дека се работи за отворен шампионат, наместо тоа, при самото пристигнување на патеката Спиров беше известен дека може да вози на трката која ќе биде пресметана како индивидуален настап и нема да се бодува за шампионатот.

Квалификациите Зизи ги возеше со задоволителен резултат, шеста позиција со минимално задоцнување зад петтиот и само две десетинки зад четвртиот возач по што направи промена на преносот која требаше дополнително да му го подобри времето.

Зизи имаше фантастичен старт на трката во која по стартот се најде на втората позиција, но првата шикана значеше и две места подолу. Веднаш потоа направи и грешка при кочењето што значеше уште две места подолу за него, а само два круга подоцна еден од возачите направи грешка по која излезе пред Спиров што дополнително го успори нашиот возач.

Се на се, Спиров возеше трка во која можеше да забележи подобар резултат, но со оглед на околностите добро е што се добро се заврши. Импровизираната патека на аеродромот Поникве ќе биде впишана во контото на извозени трки на Спиров, на кој едноставно не му беше денот. Зизи не се откажува ниту повлекува, тој се надева на позитивен одговор на жири комисијата од МСС која треба да одлучи дали ќе му дозволи да го вози целиот шампионат, и најавува дека без разлика на одговорот ќе вози барем уште една трка од Српскиот шампионат во брзински мотоциклизам како и сите преостанати трки од Источно-Европскиот шампионат.

 

Би можело да ве интересира

Неделата воопшто не изгледаше како ден на кој ќе се постави нов рекорд во Мото3 класата. Дождот предупредуваше да не се преземаат ризици и да се биде внимателен. Но Чан Онку се погрижи да се случи токму спротивното.

Последната трка од шампионатот ја одбележаа многуте падови, победата на Довициозо и подиумот на Алекс Ринс, а она што беше нај впечатливо беше успехот на Пол Еспергаро кој го донесе КТМ на третата позиција.

GRT Yamaha официјално потврди дека ќе му се приклучи на FIM Светскиот Супербајк шампионат во 2019 година, а Марко Меландри и Сандро Кортезе ќе бидат возачи на екипата.

Џонатан Реа уште еднаш покажа дека е еден од најдобрите возачи откако постигна најбрзо време на првиот зимски тест кој се оддржа на патеката во Арагон. Пробувајќи го за прв пат  ZX-10RR опремен со новите спецификации, Реа беше за 1.5 секунди побрз од останатите возачи.

Три кратниот светскиот шампион беше именуван за член на MotoGP™ Legend а Шпанецот исто така за време на последната трка од сезоната која се вози во Валенсија ќе биде вклучен и во куќата на славните. Педроса, во 2003 година ја освои титулата во категоријата од 125cc а во 2004 и 2005 година титулата во 250cc. Тој е еден од најуспешните возачи во премиерната класа.

„ Ducati потврди дека нема да биде продолжена соработката со поранешниот MotoGP шампион“

Бидете информирани за сите новости директно на вашата е-маил адреса
Реклами

Ви благодариме

За тоа што споделувате содржини и го поддржувате нашиот веб сајт.