MK мотоциклисти на меѓународни трки

Половичен успех за македонските мотоциклисти во Романија

Викендов на патеката Аданката во Романија се возеа шестата и седмата трка од БМУ Европскиот шампионат во брзински мотоциклизам.

Следете нè на:

 

Викендов на патеката Аданката во Романија се возеа шестата и седмата трка од БМУ Европскиот шампионат во брзински мотоциклизам.

Македонија имаше тројца претставници на трките, Христијан Бузалковски (МК Ендуро Тим - Водно Скопје) во класата SP125 и Слободан Ивчески (МК Сакамото) и Игор Спиров (МК Ендуро Тим - Водно Скопје) во класата F1000.

imgp2582

Во SP125 Бузалковски саботните квалификации ги заврши со најдобро време и за прв пат сезонава дојде до пол позицијата. Саботната прва трка стартуваше одлично за него, па следевме возбудлива борба до самиот крај. Иако на крајот од денот тој мораше да се задоволи со третата позиција, разликата до второпласираниот Милен беше само 0,4 делови од секундата.

Во неделата на втората трка Бузалковски прикажа фантастично возење, борбата од почетокот до крајот беше крунисана со второт место на пиедесталот и нови 20 бодови на своето конто.

Бузалковски во моментов се наоѓа на третата позиција во генералниот пласман со 121 поен, пред него на втората позиција е Милен Георгиев (Бугарија) со 142 поени, а на првата позиција е Жулиета Ленкова (Бугарија) со 161 поен.

imgp2563Христијан Бузалковски

Во класата F1000 имавме возбудливи квалификации во саботата, но лоша прва трка. Игор Спиров возеше за најдобро време на квалификациите, а Ивчески беше четврти. На трката нашите двајца натпреварувачи имаа одличен старт, па Ивчески ја поведе колоната следен од Спиров. За жал наместо двајца претставници на подиумот, не добивме ниту еден. Ивчески доживеа „хај-сајд“, а Спиров удри во него откако падна и трката за двајцата наши натпреварувачи беше завршена. 

imgp2472Слободан Ивчески

Во неделата во конкуренција на 23 возачи тие стартуваа од последните две позиции. Ивчески имаше проблеми со моторот и на крајот заврши на 17-та позиција без освоени бодови. Спиров успеа да се снајде во гужвата и на крајот да заврши на петтата позиција. Иако можеби можеше и повеќе тој треба да биде пресреќен со оглед на тоа што стартуваше последен, а на крајот дојде до нови 11 бодови на своето конто.

imgp2638Игор Спиров

Во генералниот пласман во класата F1000 по лошиот викенд во Романија има промена во водечката позиција. Ивчески сега е на второто место со 101 поен, а пред него се искачи Петар Дианов (Бугарија) со 120 поени. На третата позиција во оваа класа сега се наоѓа Кристиан Гута (Риманија) со 76 поени, додека пак Игор Спиров падна на четвртата позиција со 68 поени.

Во екипен пласман Македонија се наоѓа на третата позиција со 233 поени, на првото место е Бугарија, на второто Романија.

До крајот на шампионатот преостануваат уште 6 трки:

Балкански шампионат во брзински мотоциклизам 2017
Трка Датум Патека Земја
1 и 2 7-9 април Серез Грција
3 и 4 22-23 април Мотор Парк Романија
5 29-30 април Плевен Бугарија
6 и 7 20-22 мај Мотор Парк Романија
8 и 9 7-9 јули Серез Грција
10 23-24 септември Батајница Србија
11 01-02 октомври Плевен Бугарија
12 и 13 27-29 октомври Серез Грција

Би можело да ве интересира

„Ќе биде подобро за сите, секако тука е и Moto2 серијата, доколку го имаат овој нов стил на возење - Moto2 се доближи еден чекор поблиску до MotoGP  со новиот 765cc Triumph мотор“

„Коментарот кој го даде Алберто Пуиг предизвика реакција кај неговиот поранешен MotoGP возач Дани Педроса“

„Сега откако си замина најлесниот возач во серијата, првиот човек на Ducati Џиџи Дал’Игна смета дека би било фер за сите доколку има минимална тежина“

„Дали возиме или одиме во вселената?“

Се чини дека постојано има некакви најави и новини во однос на иднината на Ducati, особено со неодлучноста на  Volkswagen AG дали сака да ја задржи компанијата или пак планира да ја продаде.

Аргентинската Гран При трка ќе остане на патеката „Termas de Rio Hondo“, која се наоѓа на северот на државата, уште најмалку три години откако беше продолжен договорот со првите луѓе на MotoGP. Ваквата одлука беше соопштена на прес конференцијата која се случи во Буенос Аирес на почетокот на неделата.

Бидете информирани за сите новости директно на вашата е-маил адреса
Реклами

Ви благодариме

За тоа што споделувате содржини и го поддржувате нашиот веб сајт.