MK мотоциклисти на меѓународни трки

Убедлив триумф за Кико во Босна

Христијан Илиоски - Кико, нашиот најдобар мотокрос натпреварувач победи на двете трки од Источно Европскиот шампионат кои викендов се возеа на патеката Крешево во Босна и Херцеговина.

Следете нè на:

 

11006409 10152967915178869 3538556263788960535 nФото: Владимир Карчицки | Победа за Христијан Илиоски и седмо место за Борче Костов во Босна

Христијан Илиоски - Кико, нашиот најдобар мотокрос натпреварувач победи на двете трки од Источно Европскиот шампионат кои викендов се возеа на патеката Крешево во Босна и Херцеговина.

Победата за Илиоски на третата рунда од Источно Европскиот шампионат во мотокрос беше најавена уште на квалификациите, кога успеа да ја помине патеката Крешево за време под 2 минути (1:58.904) што до сега му има успеано само нему. Колку за споредба, најголемиот конкурент на Илиоски во моментот, бугаринот Тодор Тотев имаше најдобро време од 2:02.844.

Неделните трки во најсилната класа МХ1 за Кико беа рутинско возење, благодарение на новиот мотоцикл Јамаха и неговиот талент и знаење, дојде до двојната победа во Крешево и во Македонија се враќа со пехарот за првото место.

Вториот наш натпреварувач Борче Костов кој настапува во класата MXV исто така имаше одличен настап во Босна. Тој и покрај повредата успеа да забележи две седми места кои му носат нови бодови во битката за титулата. Борче Костов - Жолт (МК Ноќни Волци) е единствен наш натпреварувач кој до сега настапи на сите три трки од шампионатот.

Шампионатот продолжува според следниот распоред:

МОТОКРОС
# Датум Патека Земја
Рунда 1 05 април 2015 Јаница Грција
Рунда 2 12 април 2015 Гевгелија Македонија (ОДЛОЖЕНА)
Рунда 3 26 април 2015 Бурса Турција
Рунда 4 07 јуни 2015 Крешево Босна и Херцеговина
Рунда 5 28 јуни 2015 Глобаре Србија
Рунда 6 30 август 2015 Самоков Бугарија
Рунда 7 04 октомври 2015 Тројан Бугарија

Би можело да ве интересира

Неделата воопшто не изгледаше како ден на кој ќе се постави нов рекорд во Мото3 класата. Дождот предупредуваше да не се преземаат ризици и да се биде внимателен. Но Чан Онку се погрижи да се случи токму спротивното.

Последната трка од шампионатот ја одбележаа многуте падови, победата на Довициозо и подиумот на Алекс Ринс, а она што беше нај впечатливо беше успехот на Пол Еспергаро кој го донесе КТМ на третата позиција.

GRT Yamaha официјално потврди дека ќе му се приклучи на FIM Светскиот Супербајк шампионат во 2019 година, а Марко Меландри и Сандро Кортезе ќе бидат возачи на екипата.

Џонатан Реа уште еднаш покажа дека е еден од најдобрите возачи откако постигна најбрзо време на првиот зимски тест кој се оддржа на патеката во Арагон. Пробувајќи го за прв пат  ZX-10RR опремен со новите спецификации, Реа беше за 1.5 секунди побрз од останатите возачи.

Три кратниот светскиот шампион беше именуван за член на MotoGP™ Legend а Шпанецот исто така за време на последната трка од сезоната која се вози во Валенсија ќе биде вклучен и во куќата на славните. Педроса, во 2003 година ја освои титулата во категоријата од 125cc а во 2004 и 2005 година титулата во 250cc. Тој е еден од најуспешните возачи во премиерната класа.

„ Ducati потврди дека нема да биде продолжена соработката со поранешниот MotoGP шампион“

Бидете информирани за сите новости директно на вашата е-маил адреса
Реклами

Ви благодариме

За тоа што споделувате содржини и го поддржувате нашиот веб сајт.