Сега можете да ја нарачате и Aprilia RSV4 R FW-GP која што доаѓа заедно со пневматски вентили, фабричка поддршка и гаранција дека има 250 коњски сили.
Пред две години Aprilia ја започна својата „Factory Works“ програма преку која може да се нарача професионалната верзија на популарната Aprilia RSV4 RR. Достапни се Суперсток и Супербајк машните, а оние кои имаат подлабоки џебови, можат да ја нарачаат и Aprilia RSV4 R-FW Мизано верзијата.
Со текот на времето програмата напредуваше и ја збогати својата понуда. Сега можете да ја нарачате и Aprilia RSV4 R FW-GP која што доаѓа заедно со пневматски вентили, фабричка поддршка и гаранција дека има 250 коњски сили.
За да ја направат Aprilia RSV4 R FW-GP, Италијанската компанија ја зеде машината од Светскиот Супербајк шампионат и го промени моторот. Оние кои ќе го купат овој мотоцикл ќе имаат можност и да се сретнат со фабричките инжињери кои ќе им го објаснат секој детал на машината. Лицето кое планира да го купи овој мотоцикк ќе има можност и да го следи целиот процес на неговото производство.
Aprilia исто така нуди и голема подршка после продажбата, нудејќи им можност на купувачите да поминат еден ден на тркачката патека на тимот со цел да ја прилагодат машината на своите потреби. Нивните инжињери ќе бидат достапни секој пат кога ќе се појавите на патеката.
Во случај да не барате машина која ги има спецификациите на MotoGP, Aprilia нуди уште неколку други пакети:
Aprilia RSV4 R FW-SSTK1
Модел кој има Öhlins суспензија.
Стандарден електронски систем кој има ултра лесна литиумска батерија.
ECU репрограмирана во тркачка верзија како и контрола на моторот.
Оптимизиран систем за сопирање кој нема ABS.
Полесен мотор кој нема термостат и има поедноставен систем за ладење. Издувен вентил од Акраповиќ и комплетна оптимизација на моторот.
Aprilia RSV4 R FW-SSTK2
Модел кој има Öhlins суспензија.
Тркачки електричен систем и литиумска батерија.
APX2 ECU кој е направен од страна на Aprilia. ECU го вклучува и системот за собирање на податоци. Имате можност истовремено да ги користите и оригиналниот и додатниот сензор.
Издувен вентил од Акраповиќ.
Максимум може да достигне 204 коњски сили.
Aprilia RSV4 R-FW SBK
Модел кој има Öhlins суспензија.
Тркачки електричен систем и литиумска батерија.
APX2 ECU направен од страна на Arpiia со вклучен GPS модул. ECU го вклучува и системот за собирање на податоци а како опција ги имате и сензорите за телеметрија.
Специјален Aprilia Racing панел.
Електронски менувач на брзини.
Максималната моќност достигнува 215 коњски сили.
