Honda го претстави новиот Super Cub C125 за кој велат дека е модерно превозно средство наменето за урбаните возачи.

Се досега, најновиот модел, Super Cub C110, беше достапен само во Јапонија, каде беше многу популарен кај компаниите кои се занимаваат со транспорт на пратки и во Југо – Источна Азија каде што луѓето претежно го користеа како приватно превозно средство.

133903 HONDA SUPER CUB C1251

„Знаеме дека нашите потрошувачи, без разлика дали се мажи или жени, многу сериозно го сфаќаат својот стил на живот. Ние сакаме новиот Super Cub C125 да го подобри нивниот живот. Тој има безвременски дизајн кој ги потенцира вредностите и универзалноста. Сега додадовме и подобри перформанси на моторот,“ изјави лидерот на проектот Тадамаса Маеда.

„Наша најголема желба е да ја зголемиме среќата во животот на луѓето, а исто така и да предизвикаме насмевка на лицата на сите сопственици на Super Cub без разлика кога и каде возат.“

Super Cub 125 е дизајниран за да биде лесен за користење. Голем дел од тоа има и формата на самиот мотоцикл. Тој е опремен со 125cc, дво-вентилна машина која има воздушно ладење и која има металик црна боја и хромирани детали кои му даваат премиум изглед. Бучавата која ја создава моторот е сведена на минимум.

Уште еден клучен дел кај овој мотоцикл е тоа што тој е лесен и забавен за возење. Тој дури е и инспирација за песната My Little Honda на групата Beach Boys. А со цел да го задржи карактеристичниот квалитет но и да се прилагоди на новите спецификации, Super Cub C125 има челична рамка како основа. Рачките и седиштето сега се обложени со гума, а исто такви се и држачите за нозе. Но она што е најважно е тоа дека со него ќе можете да поминете 246 километри со четири литри гориво.

Back To Top